LUKAS 6:21 - Nanduk Ngget Tul Pidnak Wene

²¹ Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

LUKAS 6:21 Iomraidhean Croise

NDAK WIRIDNAK WENE 17:17

Iri yak tosoloma-ge, Abarakam na-ge tud yij-et nde, nda tosolat-nen indi yebet kasolar-e: ”Ap abu indi worak olengen seratus (100) woraidnag-e la ndagurag-a? Nde, Sara na olengen sembilan pulu (90) woraidnak yeba nggal-e nggesa-nen la ndagurag-o?” peragij-o.

NDAK WIRIDNAK WENE 21:6

Nde, Sara-nen yosolar-e: ”Mbal Pem Nagawan-nen-e an-e nalen-nen ndowaga nda rak nibij-o. Nde, ap-nen nde an la ndaki yu kulurug-e, an nda tigi iri na nggal enalen-nen ndowaga nda tuwa-o” luk yij-o.

NDAWI ENGGA 107:9

At-nen-e yi nere kali nab-e yi mak ondosolat, nere enpem mbidnak nab-e at-nen kwaroso konak mende-ge ndak yaga wok ondosolat kwaroso-o.

NDAWI ENGGA 119:136

Ap-nen kat-nen idnak imiri mbarak pidnak wene ndak ndak kwarigit lak yogola karuk, niyip lengen-e yi ugul nggal soso mburusu-o.

NDAWI ENGGA 65:4

Kat kama wolmakluk, kat-nen wene mbo uburuk lenak ibigen nab-e alen kasolat wolmag-o. Kat woraso sa kat kama marak iri na me woraso konak mende ereba na bem-nen nenpem yamuk tak pusu-o.

YESAYA 66:10

O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

YEREMIA 31:25

Nde, it enpabok lak nab-e an-nen enmawi rak posolat, nde, nere-nen ndowaga enpabok lak yidnak nab-e an-nen inmbitsa mak ondosolat kwarimin-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

MATIUS 5:4

Nde, inndi puru pera worali nab-e Mbal Pem Nagawan-nen it inndi yangunuwa me, enalen kali-o.

MATIUS 5:6

Nde, lud tak nak kwarurak ukwe kwarat kali nab-e Mbal Pem Nagawan-nen inndi teyok tak unpuwa me, enalen kali-o.

LUKAS 1:53

nere woragwi nab-e konak mende ndak yaga wok ondosolat, insilobulo kwarat worak nab-e we irit wirik onposolat yij-o.

LUKAS 6:20

Iri lug-e, Yesus na at owosirak yik eneyasolat-nen yosolar-e: ”Kinsilobulo lak nap wa-e. Mbal Pem Nagawan-nen tenagaidnak wi iri-ge kit winde me, kir-e kenalen ker-o!

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

LUKAS 6:25

Kit yawo kinmbit worali nab-e abok nere kwarat woragup me, kenabuwa-o! Kit yawo nda togolat worali nab-e abok kinndi puru luk, yip tugup me, kenabuwa-o!

YOANES 11:35

Yogolikma-ge, Yesus na yip tij-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

1 KORINTUS 4:11

Yawo-ne na nir-e mburu nere kagolat, yi nere kagolat, nunsum na ndelak nak yorogolat, nondogolat, nondoro kwasa woragit lak yogolat,

2 KORINTUS 11:27

An yabu kwarat wanosolar-e, nababok lak yoso-o. Kwarat pem nene yigit lak, nuruk nak woragi-o. Mburu nere yilik, yi nere yilik yoso-o. Kwarat pem-e nunggwi mende lak yilik, toro yilik, nusum lak we woralik yoso-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

NAM PARA WENE 21:3

Iri luk, an kuliginggal-e, nagawan-nen koreyak woraso ondoro-nen ene ngguloksa yosolar-e: ”Yawo-ge Mbal Pem Nagawan woraso sa-ge ap ennggendumu worasu-o! Ar-e it inmin worala, ir-e at ilirak kwat ma-o. Nde, Mbal Pem Nagawan ar-et it inmin woralat, it Enmbal Pem Nagawan kwat ma-o.

NAM PARA WENE 7:16

It iri na-ge mburu nere min yi nere min tuguruk kujwa bug-o. Mo eyak kwarat-nen tuguruk nok unpuwa bug-o.