LUKAS 6:19 - Nanduk Ngget Tul Pidnak Wene

¹⁹ Nde, at arem-nen amawi mborosolar-e, it pidsa ki rak onposo ala, ap pidsa-nen at tena buwokluk yiga-o.

LUKAS 6:19 Iomraidhean Croise

2 NAGAWAN NAGAWAN-NEN KWARIDNAK WENE 13:21

Iri kwarugwi me-ge misik tarem-e ap misik wat yamu, ap erep-nen ap lugwinik iri na yapma obogolat-nen yik kaiganggal-e, Moap nap ap nden unpugwi ereba na lobok yogola yik eneyarug-e, ap lugwinik iri na-ge Elisa yapma ibidnak sa iri na arem mbo bil ngguruk, kwiye mbiriga-o. Nde, ap lugwinik iri na-ge Elisa owak nggilarak ereba na ebem yosolar-e, ap lugwinik iri na-ge uruk luk men yij-o.

MATIUS 14:36

Iri luk, it-nen-e: ”Kusum unggut marig-et tenabuwog-o” luk at emengen mbarogolat woraiga-o. Nde, at usum erep ininggi pidnak nap oboksa-ge ki yiga-o.

MARAKUS 3:10

Iri yid iri-ge, at-nen ap kwarat ki rak inpid pem, ap kugi worak kwarat at tenabuwokluk inmik mik lagola-nen yij-o.

MARAKUS 5:30

Tena bosola ereya na-net Yesus na-ge at ebem-nen amawi nggigisa mborosola karug-e, nden karuk, ap kwarat iri na ennggendumu yik kasolat-nen kin wok onposolar-e: ”Ta-nen an nusum erep tena bij-o?” luk yij-o.

MARAKUS 6:56

Nde, Yesus na ya wok nosolar-e, o siri marik nggwe-nen na, o siri nggulok nggwe-nen na, Yesus mbiridnak sa-ge kugi worak nab-e waga onggo pugwi sa unpuruk, ”Kusum erep nak tenaguwag-o” luk at emengen kiri keresa mbariga-o. Yak togola-ge, usum erep tenaidnak nap pidsa-ge ki yogolat woraiga-o.

MARAKUS 8:22

Nde, ir-e Mbetsaira wok yiga-o. Wok yogolikma-ge, ap-nen-e ap erengen ngguru mbi Yesus eram pil lobok yurug-e, Yesus-nen ap erengen ngguru iri na tena buwakluk, at emengen mbariga-o.

LUKAS 5:17

Misik tarem Yesus-nen ap mul ondosolat worasoma-ge, o Nggalilea-nen na, Yurea-nen na, Yerusalem-nen na-nen lobok yidnak Parisi nap erep min imiri mbarak pidnak wene enaru nap erep min-e iri me koreyak woraiga-o. Nde, Nagawan Indo amawi-ge Yesus imin worala me, kugi worak nap ki rak onposolat woragaij-o.

LUKAS 6:18

It lobok yiga iri-ge Yesus-nen yidnak wene kologolat, ki rak onposolat yuwakluk lobok yiga-o. Nde, kugi enarem lin yidnak nap na lobok yikma, ki rak inpij-o.

YIDNAK YIDNAK WENE 19:12

Iri kwarosolar-e, Paulus irigak ndogwaroso sum ala na, yirik woraso sum ala na ap kugi worak enpem pogola-ge, kugi lak yosolat, enarem woraidnak kugi na mborosolat yij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.