LUKAS 6:12 - Nanduk Ngget Tul Pidnak Wene

¹² Iri na tarem-e Yesus na tepan yekluk ndobo bem lagarig-e, kubu nggwe Mbal Pem Nagawan emengen mbal tenak iri-net o nda yij-o.

LUKAS 6:12 Iomraidhean Croise

NDAWI ENGGA 22:2

Nembal Pem Nagawan wa-e. An-e lengge kat keram nene pil wasu-t nde, kar-e onggo yigit lak nak worasu-o. An-e kubu kat keram tepan yidnag-et nde, nindi na yamuk yusu bug-o.

NDANIEL 6:10

Yogoloma-ge, Nagawan Ndarius-nen-e: ”Iri nggal-et kwarogolat wolmomtag-o” luk mbaridnak pem at inggi amburu pij-o.

MATIUS 5:1

Yesus-nen-e ap mondok kwarat iri na eneyaruk yarig-e, ndobo amun pem lagarik, iri me-nen koreyak worasoma-ge, at owosirak na-ge at eram ndok wiril lobok yiga-o.

MATIUS 6:6

Alat nde, kit-nen tepan yuwoklug-e, kenma nggogolar-e, tu lerak puruk, kura ma woraso Kineid na emengen mbarurag-o. Nde, kura ma-nen kwaridnak kaso Kineid iri-nen keneyaruk onggo wok kunduwa-o.

MARAKUS 1:35

Kuplilasa, o kil posola, Yesus-e men luk yarik, tepan yekluk ap lak ma irit mbirij-o.

MARAKUS 3:13

Iri lug-e, Yesus na-ge ndobo bem lasolug-e, at indi-n pidnak nap wene mbo onposola-ge, at eram lobok yiga-o.

MARAKUS 6:46

Nde, at owosirak na wirik unpurug-e, Yesus na-ge tepan yekluk ndobo bem mbirij-o.

LUKAS 5:16

Nde, Yesus na-ge ap unsune lak ma arikmu mberarik, tepan yij-o.

LUKAS 6:11

Alat nde, ir-e insilepma kwarat luk, Yesus kwat uburak wene it nak it nak mbariga-o.

LUKAS 6:17

Yesus na at owosirak inmin luk ndobo bem-nen mbigarig-e, at imin nugwi nap kwarat inmin-e mbirikmu iri me mendak woraiga-o. Ap mondok kwarat ndok worogolar-e, Yurea-nen na, Yerusalem-nen na yi koma eyak pem o siri Tirus min Siron min-nen na lobok yiga-o.

LUKAS 9:18

Misik tarem-e Yesus na arig-et woralat-nen tepan yosoma-ge, at owosirak na eram mbiriga-o. Mborogolikma-ge, Yesus-nen it kin wok onposolar-e: ”Ap kwarat-nen-e an-e ta-o luk neberali-o?” luk yij-o.

LUKAS 9:28

Wene na yuruk, tuju nggal nene lug-e, Yesus na Peterus min Yoanes min Yakobus min inmin lug-e, tepan yekluk ndobo be mbirij-o.

LUKAS 9:29

Tepan yosolat worasoma-ge, at erare-ge nin yosolat, at usum-e loro lombok luk, igip kip worak irit agaij-o.

YOANES 6:3

Mborogolikma-ge, Yesus na ndobo bem lagarik, at owosirak inmin koreyak woragaij-o.

KOLOSE 4:2

Tepan kundugu yogolar-e, kinndi na kwara kunluk woragolat-nen Mbal Pem Nagawan imin-e ”Wiwa-o” luk yak togolat wolmer-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

1 SEMUEL 15:11

”Saul yu-ge an neram-nen nden karuk mborosolat, an-nen ebem pigi-ge kwarigit lak yidnak me, niri nera-nen Saul yu-ge nagawan tak ibigi-o” luk yak tij-o. Yosoloma, Semuel-e indi puru luk, Nagawan Indo emengen mbal tenak nene yij-o.