LUKAS 5:8 - Nanduk Ngget Tul Pidnak Wene

⁸ Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

LUKAS 5:8 Iomraidhean Croise

2 SEMUEL 6:9

Alat nde, Ndaut-nen Nagawan Indo aye kwarat karuk-nen yosolar-e: ”Urul pidnak wene labu mbarak yu-ge yawo-ge nggesa-nen waruk mbururag-o?” luk yij-o.

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

MBIRIGA WENE 20:19

Iri yogolat-nen it-nen Musa yak togolar-e: ”Kat nak-nen yak nindi-o. Yak nondosola kulul-er-o. Alat nde, Mbal Pem Nagawan-nen yak nondosola-ge, wat mul-o luk at-nen mondok yak nundurak pug-o” luk yiga-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

MATIUS 17:6

Iri yosoloma kuluruk yigarig-e, at owosirak ereya na-ge kwiye kwarat luk nggweyak pem entare nggwe yud tud mbiga-o.

MATIUS 2:11

O ma iri nggwiganggal-e, la marik na ija Maria imin worasoma, kaiga-o. Karug-e, la iri na eram tud luk, at erembel waniga-o. Iri rak purug-e, it insilobulo yarak woraso unsum munen-e emas posid min kemenyan emben worak amburu min mut emben worak amburu min kenangga we irit wok tiga-o.

MATIUS 8:8

Yosoloma-ge, at san winde-nen yosolar-e: ”Meyog-o, nab-o. Kat-nen an nggal nama nggurag-e meya-o. Are, kat kene nak-nen yi-o. Kene nak yugun iri-net an ndegel noboso nap iri-ge ki ma-o.

LUKAS 5:7

Iri ala karuk, it ennggamirak e koma nin arem worakmu, ”Yonggo nindil lobok yer-o” luk ininggi sambok yiga-o. Nde, it na lobok yigarik, e koma mberen iri na me keyane ya yebetsa pil nggurug-e, e koma ya na-ge yubuk yurak nggal yij-o.

LUKAS 5:9

Simon min at imin woraiga nap min-nen keyane kwarat wanidnak iri na karug-e wi yiga-o.

YOANES 11:32

Alama-ge, Maria na-ge Yesus woraidnak sa eram wok yosolar-e, at yik karug-e, at eralu tud luk-nen at yak tosolar-e: ”Nagawan Indo wa-e. Kar-e yu me woraigen nggal-e, mondok an nowe wat yelep pug-o!” luk yak tij-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

WENE MBENARUGWI NAP-NEN KWARIDNAK WENE 13:22

Nde, Manoa-nen ogwe na yak tosolar-e: ”Nir-e Mbal Pem Nagawan kaigerik me, mondok wat mul-o” luk yak tij-o.

1 SEMUEL 6:20

Nde, it Mbet-Semes woragwi nap-nen yogolar-e: ”Ta nggal-nen Nagawan Indo Mondok Marak Mbal Pem Nagawan iri erengen pem-e uruk wolma-o? Mondok inggi mbara wolmaklug-e urul pidnak wene labu mbarak iri-ge ngge me pil mbururag-o?” luk yiga-o.