LUKAS 5:5 - Nanduk Ngget Tul Pidnak Wene

⁵ Yak tosoloma-ge, Simon-nen yosolar-e: ”Mul Nondoso Nap wa-e. Nir-e yawo kubu kore yik tenak o nenpem nda yij-et nde, misiget ter-o luk wanigit lag-et nde, kat-nen: ’Tugurug-et mberak pi-o’ luk yak norosola me, mberak pimin-o” luk yij-o.

LUKAS 5:5 Iomraidhean Croise

LUKAS 17:13

wene ngguloksa yogolar-e: ”Nagawan Indo Yesus wa-e. Nenabuwa ki-o” luk yiga-o.

LUKAS 8:24

Alama-ge, at owosirak na Yesus eram mbirigarik, sil kagolat-nen yak togolar-e: ”Mul Nondoso Nap wa-e. Mul Nondoso Nap wa-e. Yi-n nok nunpuwa-o!” luk yogoloma-ge, Yesus na menluk, obube min yi nggweyerep nggwayerep yidnak min na met posoloma, obube na min yi nggweyerep nggwayerep iri na min lak yosolat, yi koma na ndong yij-o.

LUKAS 8:45

Tena bosoloma-ge, Yesus-nen yosolar-e: ”Ta-nen an tena nibij-o?” luk yosoloma-ge, it pidsa-nen-e: ”An-e lag-o” luk yil mborogola-ge, Peterus-nen yosolar-e: ”Mul Nondoso Nap wa-e. Ap kwarat-nen lop lop kiriga yu-nen panggon keyali-o” luk yij-o.

LUKAS 9:33

Iri luk, mberen nap na Yesus keya buruk mborogoloma-ge, Peterus-nen at yak tosolar-e: ”Mul Nondoso Nap wa-e. Nir-e ob-et yu me worali-o. O lije kenan wurul-o. Kat kamanggim, Musa amanggim, Elia amanggim nde wurul-o” luk yij-o. (Wene yid iri-ge at indi-ge yebet kagit lak me, kasa ereya-t yij-o.)

LUKAS 9:49

Yosoloma-ge, Yoanes-nen yosolar-e: ”Mul Nondoso Nap wa-e. Ap misig-e kat kunu bem kugi wirik posola karug-e, ar-e nit ninmin waring kaso buk ala-ge, ’Iri kwarusu meyog-o’ luk yak tige-o” luk yij-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

YOANES 2:5

Yak tosoloma-ge, Yesus ija-nen ndegel unpugwi nap na yak ondosolar-e: ”At-nen: ’Iri kwarer-o’ yak kunduwa mende-ge irit kwarugup na-e” luk yak indij-o.

YOANES 21:3

Woragolar-e, Simon Peterus-nen it erep yu na yak ondosolar-e: ”An-e keyane wil mburusu-o” luk yak ondosoloma-ge, it-nen yak togolar-e: ”Nit na totno-t mburuwog-o” luk yiga-o. Yurug-e, it na mbirigarik, e koma arem ngguruk, kubu aptusa keyane kore yiga-t nde, misik mbi wanigir-e lag-o.