LUKAS 5:37 - Nanduk Ngget Tul Pidnak Wene

³⁷ Nde, anggut engen amburu nggeret mbelag-e wam aboro yimbe taro arem woranggasa pil nggugwi bug-o. Iri kwarogola-ge, anggut engen amburu ngget iri amawi-nen ndowaga yimbe na tugwak yosolar-e, anggut engen amburu na nggilara mbosolat, yimbe na tugwara labuk ma-o.

LUKAS 5:37 Iomraidhean Croise

MATIUS 9:17

Nde, anggut engen amburu nggeret mbela pidnak iri-ge wam aboro-nen konidnak yimbe taro arem na wonangasa pil nggugwi bug-o. Iri kwasa pil nggogola-ge, wam aboro yimbe taro iri na tugwak yosolar-e anggut engen amburu na nggilara mbosolat, wam aboro yimbe na meya yosolat ma-o. Alat nde, anggut engen amburu nggeret mbela pidnak iri-ge wam aboro-nen konidnak yimbe ngget arem-et wonanggasa pil nggugwi-o. Pil nggosoma-ge, engen amburu min yimbe min-e opirit wolmar-o” luk yij-o.

LUKAS 5:36

Yurug-e, Yesus-nen nden karuk wene mbi yak ondosolar-e: ”Ap-nen-e sum umbuk ndelep yidnak panggarogolar-e, sum ngget pem umbuk min-e panggarugwi bug-o. Iri kwarosoma-ge, sum ngget na amawi-nen-e umbuk na ndelak poso-o. Iri-nen sum umbuk ebem ngget panggaridnak iri na ndak ndag-e lag-o.

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

YOSUA 9:13

Nde, yimbe wam aboro-nen konidnak yeba-ge ngget arem-et anggut amburu yarige-t nde, ndelep ndalep mbid yeba nak ker-o. Nunsum min nunuwok sum min na erep ma-net lobog-et yogola ndelep ndalep yeba nak ker-o” yak indiga-o.

YOSUA 9:4

Kulurug-e, it-nen-e Yosua amberam ludtak wene mbi mbatlug-e, karung sum umbuk min wam aboro-nen konidnak embe anggut amburu yarugwi umbuk ndelak ereba na min wanuruk, nde, tularo-ge