LUKAS 5:34 - Nanduk Ngget Tul Pidnak Wene

³⁴ Yak togolikma-ge, Yesus-nen it yak ondosolar-e: ”Kwe wanogola tarem nunggwi mende saidnak nunggwi tarem-nen kwe wanurak nab-e at anggamirak inmin worasola-t nde, kit-nen-e: ’Mburu keya buruk, we wolmer-o’ luk yak undugwi-a? Mondok lag-o!

LUKAS 5:34 Iomraidhean Croise

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

MATIUS 22:2

”Mbal Pem Nagawan-nen tenagaidnak wi-ge yu nggal-nen yusu-o: Nagawan misig-e at ambara na kwe wanosola-ge, nunggwi mende nggulok sagaij-o.

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

LUKAS 5:33

Yosoloma-ge, ap erep-nen Yesus yak togolar-e: ”Yoanes imin nugwi nap min Parisi nap inmin nugwi nap min-e pempa mburu keya buruk, we woragolar-e, tepan nak yik tenak worali-t nde, kat kowosirag-e mburu nonggolat, yi nonggolat kwatli-o” luk yak tiga-o.

LUKAS 5:35

Alat nde, kwe wanurak nap na it endam-nen wok uburuk mburuwa tarem-nen perak nde, mburu keya buruk, we wolma-o” luk yij-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.