LUKAS 5:26 - Nanduk Ngget Tul Pidnak Wene

²⁶ Iri kwarosola karuk, it pidsa-nen wi langgu mbatluk, Mbal Pem Nagawan erembel wanogolat, kwiye min-et yogolar-e: ”Yawo kwiye worak mende nggulok irit nenlengen-nen kaige-o!” luk yiga-o.

LUKAS 5:26 Iomraidhean Croise

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MATIUS 12:23

Yosoloma-ge, ap ereba wi yogolat-nen: ”Ap yu-ge Ndaud Ambara nde ma-o” luk kin wok kerak mbiga-o.

MATIUS 28:8

Iri rak puruk, kwami na kwiye min-et nde, enalen kwarat luk at owosirak wene na yak unduwokluk ndaget nak puburak mbiriga-o.

MATIUS 9:8

Iri kwarosola karuk, ap kwarat na-nen kwiye luk, Mbal Pem Nagawan-nen amawi nggulok iri at wok tidnak ala karuk, Mbal Pem Nagawan erembel waniga-o.

MARAKUS 2:12

Iri yak tosola ereya na-net ap kwarat ereba na inmbiri bem at yu na men luk, at nene yoso ondoro kud turuk, mbirij-o. Mborosola-ge, it oboksa-nen wi langgu mbarogolar-e: ”Nir-e yu nggal-e kagwi bug-o” luk Mbal Pem Nagawan erembel waniga-o.

LUKAS 1:65

Worala-ge, at imin o siri misikmu woragwi nap pidsa-nen kwiye karug-e, iri kwaridnak wene-ge o Yurea wi ndobo worak sa woragwi nap ennggendumu-ge wigak yij-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

LUKAS 7:16

Iri kwarosola-ge, it pidsa-ge kwiye-nen pabok puruk, Mbal Pem Nagawan erembel wanogolar-e: ”Mbal Pem Nagawan ene lomboksa yoso nap nggulok mbi-ge nit nennggendumu nam agaij-o!” yurug-e, ”Mbal Pem Nagawan-nen-e at elem nap inmiri yurak pem lobok yij-o!” luk yiga-o.

LUKAS 8:37

Iri lug-e o Nggerasa woragwi nap pidsa kwiye-nen pabok purug-e. Yesus yak togolar-e: ”Nit nenma yu me wolmomtak pug-o. Mbiri-o” luk yak togoloma, Yesus na e koma arem ngguruk, mbirij-o.

YIDNAK YIDNAK WENE 4:21

Yak ondogolikma-ge, tuguruk enne amawi min-et watsa yak ondogoluk, mberen nap na wisirik inpiga-o. Mberen nap-nen kwiye worak mende kwaridnak ala karuk, ap pidsa-nen Mbal Pem Nagawan erembel wanogolat woragola karuk, ap ereba na inndi aye-nen it andi bandi rak unpurak elem-e lak me, wisirik inpiga-o.

NGGALATIA 1:24

Kulurug-e, an nebem ala, Mbal Pem Nagawan erembel wanogolat woraiga-o.