LUKAS 5:22 - Nanduk Ngget Tul Pidnak Wene

²² Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

LUKAS 5:22 Iomraidhean Croise

NDAWI ENGGA 139:2

An-nen kwaroso oboksa-ge kar-e karu-o. Kebe-ge erepma-net nde, an-nen yebet kaso oboksa-ge kar-e karu-o.

NGGOMO WENE 15:26

Nagawan Indo-ge meya kwarurak yemnak puruk woragwi-ge isili rak puruk woraso-o. Alat nde, wene konag-et wirik pugwi iri-nen-e indi alen tak pugwi-o.

YESAYA 66:18

An-e it-nen yebet kagwi min it-nen kwarugwi min-e mondok naru-o. An lobok yosolar-e, yi nap ndi nap enggep lombok-nen ndok worak enpeyekluk lobok yimin-o. It-nen ndok worogolat tarem-e an namawi-ge enlengen kujwa-o.

MATIUS 12:15

At wururak wene iri na aru luk, Yesus na-ge iri me-nen mborosola-ge, ap kwarat-nen at langgaluk mborogola karuk, at-nen-e kugi worak nap pidsa ki rak unpuruk-nen yak ondosolar-e:

MATIUS 12:25

Nde, Yesus na-ge it inndi-n perali na yenggerak puruk-nen yak ondosolar-e: ”Nagawan misik-nen tenagaidnak wi woragwi nap it-net it ngarak woragolat-nen wim pogola-ge, pendaga lak ma-o. Nde, it o siri misiget woragwi-nen na, it ap lolo-nen na, it-net it ngarak woragolat-nen wim pogola-ge, pendaga lak ma-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

MARAKUS 8:17

Yogolikma-ge, Yesus-e it-nen wene nggok tak pili na-ge aru luk, it yak ondosolar-e: ”Noluk-nen kir-e oroti waruk lobok yigit lak yidnak wene nde nggok tak pili-o? Kir-e yenggerak puruk, kinndi yebet kali bug-a? Kinndi ebebeyal worak-nen yili, lak?

LUKAS 24:38

Alat nde, Yesus-nen it yak ondosolar-e: ”Kir-e noluk-nen kwiye yogolat, an nimin kinndi mberen yili-o?

LUKAS 5:21

Wene na yak tosoloma-ge, it imiri mbarak pidnak wene enaru nap min Parisi nap min-nen yak kerak mbogolar-e: ”Abug-a! Mbal Pem Nagawan obok pusu yu-ge ta-nen yusu-o? Meya yidnak amberam tak purak nap mbi worali-ge lag-o. Iri kwaroso-ge Mbal Pem Nagawan arig-et nak worasu-o!” luk yiga-o.

LUKAS 5:23

’Kat meya yidnak nemberam tak pigi-o’ luk yurag-e angin, lak? Are, ’Men luk mbiri-o’ luk yurak nde angin-a?

YIDNAK YIDNAK WENE 5:3

Posola-ge, Peterus-nen yosolar-e: ”Ananias wa-e. Noluk-nen kar-e Sere karem yebet yosola, Konak Indi min yubul posolat nggweyak onggo pidnak tol ereb-e kat menggesa yimndigen-o?

IBERANI 4:12

Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.