LUKAS 5:17 - Nanduk Ngget Tul Pidnak Wene

¹⁷ Misik tarem Yesus-nen ap mul ondosolat worasoma-ge, o Nggalilea-nen na, Yurea-nen na, Yerusalem-nen na-nen lobok yidnak Parisi nap erep min imiri mbarak pidnak wene enaru nap erep min-e iri me koreyak woraiga-o. Nde, Nagawan Indo amawi-ge Yesus imin worala me, kugi worak nap ki rak onposolat woragaij-o.

LUKAS 5:17 Iomraidhean Croise

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 15:1

Iri luk, Parisi nap erep min imiri mbarak pidnak wene enaru nap erep na min Yerusalem-nen Yesus eram lobok yigarik, at kin wok pogolar-e:

MARAKUS 1:45

Iri yak tij-et nde, at na mborosolar-e, at kwat ibidnak wene wigaril mberamu alama-ge, Yesus na-ge nam-et o silmu nggwigit lag-o. Are, ap lak ma irit woragaij-o. Alat nde, ab-e nin me nin me-nen at eram lobok yogolat nak woraiga-o.

MARAKUS 16:18

waro lombok togolat, wat yurak wi nujwa-t nde, wat yigit lak yogolat; kugi indidnak nap tena onpogola, ki rak onpogolat iri nggal-et kwaril nuwa-o” luk yij-o.

MARAKUS 3:22

Nde, Yerusalem-nen mbidnak imiri mbarak pidnak wene enaru nap-nen yogolar-e: ”At yu arem-e kugi Mbelsebul nggwidnak me, kugi nagawan amawi bem-nen kugi wirik pusu-o” luk yiga-o.

MARAKUS 5:30

Tena bosola ereya na-net Yesus na-ge at ebem-nen amawi nggigisa mborosola karug-e, nden karuk, ap kwarat iri na ennggendumu yik kasolat-nen kin wok onposolar-e: ”Ta-nen an nusum erep tena bij-o?” luk yij-o.

MARAKUS 7:1

Parisi nap min Yerusalem-nen lobok yidnak imiri mbarak pidnak wene enaru nap erep min-e Yesus eram ndok wiriga-o.

LUKAS 15:2

Iri ala-ge, Parisi nap min imiri mbarak pidnak wene enaru nap min-nen at obok pogolar-e: ”At yu-ge meya yugwi nap imin tak unpuruk, inmin mburu nasu yu nde ker-o” luk yiga-o.

LUKAS 2:46

Mbirigarik, ogore yogolat mberen nene lug-e, Mbal Pem Nagawan ama-nen it Yawuri nap mul undugwi nap inmin kore luk, it enne kolosolat, it kin wok onposolat worasoma, kaiga-o.

LUKAS 5:21

Wene na yak tosoloma-ge, it imiri mbarak pidnak wene enaru nap min Parisi nap min-nen yak kerak mbogolar-e: ”Abug-a! Mbal Pem Nagawan obok pusu yu-ge ta-nen yusu-o? Meya yidnak amberam tak purak nap mbi worali-ge lag-o. Iri kwaroso-ge Mbal Pem Nagawan arig-et nak worasu-o!” luk yiga-o.

LUKAS 5:30

Nonggolat woragola-ge, Parisi nap erep min imiri mbarak pidnak wene enaru nap erep min-nen-e insili karug-e, Yesus owosirak yak ondogolar-e: ”Kir-e noluk-nen pemerinta enmanggim tol ndok wurugwi nap min meya yugwi nap erep min inmin totno nunggwi mende nili-o?” luk yiga-o.

LUKAS 6:19

Nde, at arem-nen amawi mborosolar-e, it pidsa ki rak onposo ala, ap pidsa-nen at tena buwokluk yiga-o.

LUKAS 7:30

Alat nde, Parisi nap min imiri mbarak pidnak wene enaru nap min-nen-e: ”Yoanes-nen yi ma nunpurak ninmbir-o” luk yogolar-e, Mbal Pem Nagawan-nen it kwat unpurak peraidnak na-ge keya biga-o.

LUKAS 8:46

Alat nde, Yesus-nen yosolar-e: ”An namawi-ge an nebem-nen nggigisa mborosola kagirik me, an naru-o. Ap-net tena nibiga-o” luk yij-o.

YOANES 3:10

Yosoloma-ge, Yesus-nen at yak tosolar-e: ”Kar-e Isarael nap mul ondoso nab-et nde, kar-e wene yu-ge kabak yusu-a?

YOANES 3:21

Alat nde, Mbal Pem Nagawan indi-n pidnak nak kwarugwi nap-nen-e it-nen kwarugwi na-ge Mbal Pem Nagawan indi-n pidnak nak kwarugwi-o luk nam maklug-e, yaya na eram lobok yugwi-o” luk yij-o.

YIDNAK YIDNAK WENE 19:11

Nde, Mbal Pem Nagawan-nen kwiye worak mende ija lombok Paulus ebem-nen kwarij-o.

YIDNAK YIDNAK WENE 4:30

Kat kinggi mberak puruk, ap ki yaga wok indi-o. Kat Ndegel Koboso Nap Yesus, Len Ibidnak Nap unu bem kwiye worak mende min kagwi buk mende min irit kwari-o” luk tepan yiga-o.

YIDNAK YIDNAK WENE 5:34

Alat nde, wene mbaroso nap, Parisi nap mbi unu-ge Nggamaliel, imiri mbarak pidnak wene mondok aru nap, ap pidsa-nen ene kek tak pugwi nap iri na menluk-nen yosolar-e: ”Wirik inpidnak nap yu-ge siyag-et nak woraruk, lobok yuwak-nen mbepme wirik enper-o” luk yij-o.