LUKAS 5:13 - Nanduk Ngget Tul Pidnak Wene

¹³ Yosoloma-ge, Yesus na inggi ap yu na ebem posolat-nen yosolar-e: ”An-e ambut tak kuburag-e nindingen-o. Ki min-o” luk yosoloma-ge, ereya na-net ndigiril laso mbijap na lak agaij-o.

LUKAS 5:13 Iomraidhean Croise

NDAK WIRIDNAK WENE 1:3

Nde, Mbal Pem Nagawan-nen yosolar-e: ”Yaya min-o” yosoloma, yaya yij-o.

NDAK WIRIDNAK WENE 1:9

Iri luk, Mbal Pem Nagawan-nen yosolar-e: ”Yi nggweyak ma worasu yu-ge wonggoksa ondoro misik yosolat, nggweyak nam mag-o” yosoloma-ge, iri na nggal-et kwat yij-o.

2 NAGAWAN NAGAWAN-NEN KWARIDNAK WENE 5:10

Nde, Elisa-nen at ndegel oboso nap misik yak tosolar-e: ”Naman iri-ge yu nggal yak ti-o: ’Nab-o. Kar-e Yi Yareren arem-et mburugundik, tuju bem-et yi ma nggurag-o. Iri kwarosola-ge, ud ereba-ge mondok lak ma-o’ yak ti-o” luk yak tij-o.

2 NAGAWAN NAGAWAN-NEN KWARIDNAK WENE 5:14

Iri yak togola karug-e, Naman iri na Yi Yareren arem mberarik, yi ma yubuk luk men luk kwarosolar-e, Elisa-nen yak tid iri na ndak ndag-et tuju bem-et kwarij-o. Iri kwarosoma-ge, ud yeba na-ge oboksa lak yosolat, aboro-ge li marik enaboro nggal konak irit kwat yij-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

YESKIEL 36:29

Nere kit kenpem mbud yusu ereba na nggal mbud yigit lak makluk, ’Nggandum mbato kar-e mondok alim nak lasolat wolmin-o’ luk, an-nen-e nggandum mbato yak timin-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

MATIUS 8:3

Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

LUKAS 4:39

Yak togolikma-ge, Yesus-nen kwe na nene yoso sa nggwarik, embem wuloksa wiridnak na ”Lak min-o” luk yosoloma, embem na lak lug-e, kwe na-ge ereya na-net men luk, it ndegel inpij-o.

LUKAS 5:12

Misik tarem-e Yesus na o siri mbi me woragaij-o. Nde, o iri na me-ge ap mbi ebem ndigiril laso mbijap-nen yela keya bidnak irit woragaij-o. Nde, ap na-nen Yesus karug-e, at eralu tud luk-nen at emengen mbarosolar-e: ”Nap wa-e. Kat-nen nde an ambut tak nuburak perasolar-e, iri kwat nuburag-e ndak-nen yusu-o!” luk yij-o.

LUKAS 5:14

Lak yosoloma-ge, Yesus-nen wene watsa yak tosolar-e: ”Wene yu-ge ap misiger-o luk tet yak undurak pug-o. Are, tepan ombo eram mburugundik, ’Mbenat nibi-o’ luk yurag-o. Iri lug-e, kat ambut tak kibidnak yenggerak kubuwakluk, Musa-nen yidnak yidnak kwarosolar-e, Mbal Pem Nagawan amanggim wosa pugwi mende wosa bi-o” luk yak tij-o.