LUKAS 5:12 - Nanduk Ngget Tul Pidnak Wene

¹² Misik tarem-e Yesus na o siri mbi me woragaij-o. Nde, o iri na me-ge ap mbi ebem ndigiril laso mbijap-nen yela keya bidnak irit woragaij-o. Nde, ap na-nen Yesus karug-e, at eralu tud luk-nen at emengen mbarosolar-e: ”Nap wa-e. Kat-nen nde an ambut tak nuburak perasolar-e, iri kwat nuburag-e ndak-nen yusu-o!” luk yij-o.

LUKAS 5:12 Iomraidhean Croise

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

1 NAGAWAN NAGAWAN-NEN KWARIDNAK WENE 18:39

Iri kwarosola karug-e, iri me woraiga nap ereba na-nen entare nggwe nggweyak pem yud tud mbogolat-nen yogolar-e: ”Nagawan Indo iri-ge Mbal Pem Nagawan-net yusu-o! Mondok ndemeret Nagawan Indo-ge Mbal Pem Nagawan-net yusu-o!” luk yiga-o.

2 NAGAWAN NAGAWAN-NEN KWARIDNAK WENE 5:1

Siria nap san ombo onowe nggok Naman ebem-nen Nagawan Indo-nen-e Siria nap san ombo-ge ombol nggwe rak inpidnak me, Siria nagawan iri na-nen-e Naman imin indi kundik irit woragij-o. Naman iri-ge wim wari mondok kwiye lak woraso-t nde, at ebem-e mondok marugot ndigiril laso kwiye worak iri ebem yilij-o.

2 NAGAWAN NAGAWAN-NEN KWARIDNAK WENE 5:27

Kat-nen silobulo iri wanigen pem-e Naman ebem yid marugot ndigiril laso iri na min-et wanugun-o. Marugot ndigiril laso iri-ge lak yigit lak, pem irit kat-nen wigarak lolo-ge kenpem yosolat wolma-o” luk yak tij-o. Yosoloma, Nggekasi iri na iri me-nen mbiridnggal-e, mondok marugot ndigiril laso ebem lenggek yidnak me, aboro-ge loro mbereng tak irit mbirij-o.

2 NAGAWAN NAGAWAN-NEN KWARIDNAK WENE 7:3

Marugot ndigiril laso enpem yidnak nap enpe empat iri-ge Samaria iri me o pak tumende ombol nggwe iri me woraiga-o. It-nen it nak wene mbarogolar-e: ”No amanggim-nen nir-e yu me koreyak nak wat momtak yik karok worali-o?

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

MBIRIGA WENE 4:6

Tuguruk Nagawan Indo-nen Musa yak tosolar-e: ”Kebare sum arem kinggi nggorak pi-o” yak tosoloma, inggi nggorak puruk, lit kagaidnggal-e, inggi-ge ud mbijap nggal ndigiril laso ebem yosolat loro aye worak irit kagaij-o.

MATIUS 26:6

Yesus na-ge o Mbetania-nen ndigiril laso mbijap ebem yidnak nap Simon na ama worasoma-ge,

MATIUS 9:28

Iri yogola, Yesus na o mbi me nggwarik worasoma-ge, it enlengen ngguru nap ereya na at eram lobok yogola, at-nen it yak ondosolar-e: ”At-nen ki rak nunpurag-e ndak-nen yusu-o luk kit kinndi angin tubu yili, lak?” luk yak ondosoloma-ge, it-nen yogolar-e ”Nab-o. Ye, ninndi angin tubu yili-o!” luk yiga-o.

MARAKUS 5:23

Tud luk, ar-e kiri keresa Yesus emengen mbarosolar-e: ”An nara marik wat teyekluk yusu-o. Kat lobok yugundik an nara kinggi tena buruk, ki rak posola, uruk mag-o” luk yosoloma-ge.

LUKAS 17:16

Lobok luk, Yesus ijok eralu mbud lug-e, wiwa-o kwarat yak tij-o. Nde, ap iri-ge Samaria nap-nen kwarij-o.

LUKAS 5:13

Yosoloma-ge, Yesus na inggi ap yu na ebem posolat-nen yosolar-e: ”An-e ambut tak kuburag-e nindingen-o. Ki min-o” luk yosoloma-ge, ereya na-net ndigiril laso mbijap na lak agaij-o.

TUGURUK YIDNAK WENE 24:8

Nde, ndigiril laso mbijap kenpem yidnak ala-ge, tepan ombo Lewi nap-nen yak kunduwa iri na-t kwarurag-o. Nde, kwarurak mende-ge an-nen it yak indigi ereba ndak ndag-et kwarurag-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

YOSUA 5:14

Yosoloma, ap iri na-nen onggo yosolar-e: ”Kit nap na lak. Kit kunuwim nap na lag-er-o. An yu me lobok yigi-ge Nagawan Indo-nen idnak san ombo onowe-t lobok yigi-o” yosoloma, Yosua-nen kulurug-e, Yosua na-ge ap iri na eram erare nggwe tud luk ap iri na erembel wanosolat-nen yak tosolar-e: ”An-e kat ndegel koboso nap-nen yusu-o. An-e kat kamanggim-e no kwarimin-o?” yij-o.