LUKAS 5:10 - Nanduk Ngget Tul Pidnak Wene

¹⁰ Nde, Simon imin keyane wanugwi nap, Sebendeus ilirak Yakobus min Yoanes min-nen na wir-o luk yiga-o. Iri ala-ge, Yesus-nen Simon na yak tosolar-e: ”Kwiye kasu-ge meyog-o. Yawo-net keyane wanoso nggal ap wanoso nap kwat yugun-o” luk yak tij-o.

LUKAS 5:10 Iomraidhean Croise

MATIUS 13:47

”Iri nggal-et Mbal Pem Nagawan-nen tenagaidnak wi iri-ge keyane wanugwi sum misik yi koma arem mberak pogola, keyane nin tak nan tak yat yoso sum iri nggal-nen yusu-o.

MATIUS 14:27

Mbogolikma-ge, ereya na-net Yesus-nen it yak ondosolar-e: ”Kinndi tugup lak wolmer-o! An-net yusu-o. Kwiye kali-ge meyog-o” luk yak indij-o.

MATIUS 20:20

Iri ala-ge, Sebendeus ilirak iniya iri na at ilirak inmin luk Yesus eram wok luk, owak yunggusa at eralu kore luk, at ebem misik nggi yij-o.

MATIUS 4:19

Yesus-nen it yak ondosolar-e: ”An langgal nuburuk nak mer-o. Iri ala-ge, keyane wanugwi nggal ap wanugwi nap tak kinpimin-o” luk yak indij-o.

MATIUS 4:21

Nde, ereba-t mborosoma-ge, owe owot mbi Sebendeus irirak Yakobus min owot Yoanes min eneyagaij-o. It iri na-ge ineid Sebendeus na imin e koma arem-nen keyane wanugwi sum panggarukmu eneyarug-e, Yesus-nen mberen nap na wene mbo onposoloma,

MARAKUS 1:17

Eneyarug-e, Yesus-nen it yak ondosolar-e: ”Lobok yugupndik, an langgal nuburuk nogola-ge, keyane wanugwi nggal, ap wanugwi nap tak kinpimin-o” luk yak indij-o.

LUKAS 5:7

Iri ala karuk, it ennggamirak e koma nin arem worakmu, ”Yonggo nindil lobok yer-o” luk ininggi sambok yiga-o. Nde, it na lobok yigarik, e koma mberen iri na me keyane ya yebetsa pil nggurug-e, e koma ya na-ge yubuk yurak nggal yij-o.

LUKAS 5:9

Simon min at imin woraiga nap min-nen keyane kwarat wanidnak iri na karug-e wi yiga-o.

LUKAS 6:14

Nde, len inpid nap iri-ge: Simon na unu misik yarij-e Peterus iri na min at owot Andereas min Yakobus min Yoanes min Pilipus min Mbatolomeus min

YOANES 21:2

Misik tarem-e Simon Peterus min Tomas na unu misig-e Kambara Nderak na min Nggalilea nggweyak pem o Kana nap Natanael na min Sebendeus ilirak na min Yesus owosirak mberen mbi min-e lambuksa ndok worak woraiga-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

2 KORINTUS 8:23

Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

2 TIMOTIUS 2:26

Iri nggal kwarogolar-e, it inndi wok yosolar-e, Sere indi-n pidnak kwaruwakluk, at egere ma ngonok tak inpidnak na me-nen nggogora mburuwa-o.