LUKAS 5:1 - Nanduk Ngget Tul Pidnak Wene

¹ Misik pem-e Yesus-e yi koma Nggenesaret eyak pem mendak worasoma-ge, Mbal Pem Nagawan-nen yidnak wene kuluwoklug-e, ap kwarat-nen at panggon ibiga-o.

LUKAS 5:1 Iomraidhean Croise

MATIUS 11:12

Ap yi maroso nap Yoanes na lobok yid kuri-nen yawo kuri-ge Mbal Pem Nagawan-nen tenagaidnak wi iri na winde yuwokluk enmawi kondogolar-e, Mbal Pem Nagawan elem nap pela mbo mbo rak inpili-o.

MATIUS 14:34

It iri na-ge yi koma bem eyak ele bem ndil laigarig-e, o Nggenesaret wok yogola-ge,

MARAKUS 3:9

Nde, ap kwarat ndok worogola karuk, Yesus na inmik mik aye-nen at owosirak yak ondosolar-e: ”E koma misik an namanggim lud tak per-o” luk yak indij-o.

MARAKUS 4:1

Tuguruk misik tarem-e Yesus na Nggalilea koma eyak pem ap mul ondosolat woragaij-o. Worasoma-ge, ap kwarat-nen at lop lop worogoloma karug-e, ar-e yi koma ombolak pem e koma arem nggwarik, koreyak worala-ge, ap kwarat iri na-ge yi, eyak pem mendak woraiga-o.

MARAKUS 5:24

Yesus na-ge at imin luk mbirij-o. Mborosola-ge, ap kwarat at langgaluk mborogolar-e, inmik mik-nen panggona keya biga-o.

MARAKUS 6:53

Ir-e ele bem ndil laigarig-e, yi koma eyak pem o Nggenesaret wok lug-e, e koma na yi unggut mu yilik piga-o.

LUKAS 12:1

Iri kwarukmu-ge, ap kere kwarat irit ndok worogolar-e, anggam-nen anggam yumundosola, anggam-nen anggam yumundosola, kwarogola-ge, Yesus-nen nandug-et at owosirak na yak ondosolar-e: ”Parisi nap-nen idnak oroti lomboroso mende iri abiyem-o luk kwara wolmer-o. Nde, iri-ge Parisi nap-nen enaru-net nde, enesiget siget enaru buk nggal yugwi iri na nde yigi-o.

LUKAS 5:2

Iri ala-ge, Yesus-nen-e e koma mberen iri-ge yi eyak pem pidnak kagaij-o. Nde, e koma iri winde-ge e koma na keya buruk, keyane wanugwi sum marogolat woraiga-o.

LUKAS 8:22

Misik tarem-e Yesus na owosirak inmin-e e koma arem ngguruk-nen at-nen it yak ondosolar-e: ”Yi koma eyak ele bem ndil lujwog-o” yak ondosolug-e, mbiriga-o.

LUKAS 8:23

Mburukmu-ge, Yesus na nene yij-o. Nene yosola-ge, obube nggulok mbi puk kil lobok yosolar-e, yi na sabera e koma na arem-e yi yebet yosolar-e, it pidsa na yubuk yurak nggal yiga-o.

LUKAS 8:33

Yosoloma-ge, kugi na-ge ap iri na arem-nen mborogolar-e, wam ereba na arem nggwiga-o. Nggogolar-e, wam ereba na pidsa yul kul mborosolar-e, mberabak nggwe na nggilara yi koma arem nggosolar-e, pip yonggok ndonggok wat yij-o.

LUKAS 8:45

Tena bosoloma-ge, Yesus-nen yosolar-e: ”Ta-nen an tena nibij-o?” luk yosoloma-ge, it pidsa-nen-e: ”An-e lag-o” luk yil mborogola-ge, Peterus-nen yosolar-e: ”Mul Nondoso Nap wa-e. Ap kwarat-nen lop lop kiriga yu-nen panggon keyali-o” luk yij-o.

YOANES 1:40

Yoanes-nen yidnak wene kuluruk, Yesus imin mbiriga nap mberen na-ge misik na unu-ge Andereas, Simon Peterus owot irir-o.

YOANES 6:1

Iri yak undurug-e, Yesus na-ge tuguruk ijok lem Nggalilea koma unu misig-e Tiberias iri na eyak ele bem ndil lagaij-o.

IBERANI 13:7

Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o.