LUKAS 4:6 - Nanduk Ngget Tul Pidnak Wene

⁶ Mirik uburuk, Sere-nen at yak tosolar-e: ”Nggweyak ma nagawan enmawi-nen tenagaidnak wi pidsa min iri me woraso yi mende ndi mende pidsa min kar-et wok kirimin-o. Yeba pidsa-ge an ninggem pidnak me, ta-nen nde an-nen wok turak perasolug-e, wog-et timin-o.

LUKAS 4:6 Iomraidhean Croise

ESET 5:11

Iri yosolat-nen Aman-nen indi kek tak pem ene amburu ndagosolar-e, at aringgi arengge wene min ambararak kwarat ereba na onowene min nagawan-nen yabu kek tak wok tid wene min nagawan yabu wanugwi nap ereb-e teberag-et nde, ar-e mondok kek tak nggok worasu wene min ereba na ndindera yak indij-o.

LUKAS 4:7

Nde, kat-nen an nerembel wanosolat, an neram kendaru yunggusa wandu yosola-ge, pidsa kat karengge ma-o” luk yak tij-o.

YOANES 12:31

Nggweyak ma yu ebem wene mbatlik, nggweyak yu tena woraso na mbo bilik momtak tarem-e yawo ndak yij-o.

YOANES 14:30

Nggweyak yu tena woraso na panggo yusu me, wene mor-et yak kindimin pug-o. At iri-ge an nimin ndak ndag-e lag-o, teberak-net yusu-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

1 PETERUS 1:24

Mbal Pem Nagawan engga bem-nen yosolar-e: ”Ki nap oboksa-ge tusuwangge nggal-nen yili-o. Ki nap unnu kek tak woragwi-ge tusuwangge engen isi pidnak nggal-nen yusu-o. Tusuwangge na terabet yosolar-e, engen isi pidnag-e lera mboso-t nde,

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:2

Ndakngge isilepma worak kagi iri abage-ge macan tutul (singa wembebenggek) abage nggal, at ijog-e beruang ndakngge ijok nggal, isileb-e singa ndakngge isilep nggal irit kagi-o. Nde, waro nggulok iri-nen ndakngge isilepma worak iri wok tosolar-e, at ambik arong min at-nen idnak nagawan koreyak woraso ondoro min at-nen o tena woraso amawi min irit wok tij-o.

NAM PARA WENE 13:7

At iri-ge Mbal Pem Nagawan winde nap inmin wim mbatluk, it urugwe nggwe rak onposolat, ap enlem tak oboksa min ap unuwi nggweyak lombok woragwi min ap enne lombok min ap enlem oboksa min tena unpuruk wolmomtak amawi-ge at wok tij-o.