LUKAS 4:41 - Nanduk Ngget Tul Pidnak Wene

⁴¹ Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 4:41 Iomraidhean Croise

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 8:16

Iri luk, o keyama nggwe-ge kugi enarem nggwidnak nap kwarar-e Yesus eram inpil lobok yogola-ge, Yesus-e at ene nak-nen kugi kwarat iri na wirik posolat, kugi indidnak nap oboksa na ki rak onposolat yij-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MATIUS 8:4

Alama-ge, Yesus-nen at yak tosolar-e: ”Kat kwat kibidnak yu-ge ap mondok yak undurak pug-o. Are, tepan ombo eram mburugundik, ambut tak kibidnak iri nuk kasola-ge, ap pidsa-nen ’Ndemeret ki yamu-o’ yuwakluk, Musa-nen yidnak yidnak kwarosolar-e, Mbal Pem Nagawan amanggim pugwi mende irit pi-o” luk yak tij-o.

MARAKUS 1:25

Yosoloma-ge, Yesus-nen ene amawi bem-et kugi na yak tosolar-e: ”Kene lag-et ap yu arem-nen mbiri-o” luk yak tij-o.

MARAKUS 1:32

O na ndamuk yosola, keyama nggwe-ge kugi worak nap min kugi enarem lin yidnak nap min wok unpuruk, Yesus eram lobok yiga-o.

MARAKUS 1:34

Ndok worogola karug-e, kugi nin tak nan tak worak nap na ki rak onposolat, enarem lin yidnak nap na enarem-nen kugi kwarat wirik posolat, nde, kugi na-nen Yesus enaru me, ”Kir-e kenne yurak pug-o” luk yak indij-o.

MARAKUS 3:11

Nde, ap enarem nggwidnak kugi ereba-nen at karuk, at eram mbud yogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o” luk yiga-o.

LUKAS 4:39

Yak togolikma-ge, Yesus-nen kwe na nene yoso sa nggwarik, embem wuloksa wiridnak na ”Lak min-o” luk yosoloma, embem na lak lug-e, kwe na-ge ereya na-net men luk, it ndegel inpij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.