LUKAS 4:35 - Nanduk Ngget Tul Pidnak Wene

³⁵ Yosoloma-ge, Yesus-nen kugi iri met posolat-nen yak tosolar-e: ”Ke-ne lak luk, ap yu arem-nen mbiri-o!” luk yak tosoloma-ge, kugi na-nen it pidsa ennggendumu-nen ap na mbud tak uburuk, at arem-nen mborosolar-e, andi bandi rak ibigit lak irit mbirij-o.

LUKAS 4:35 Iomraidhean Croise

MATIUS 17:18

Iri luk, Yesus-nen ene amawi min-et kugi na yak tosolar-e: ”Mbiri-o” luk yak tosoloma, kugi na mborosola ereya na-net la iri na ki yij-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

MARAKUS 1:26

Yak tosoloma-ge, kugi na mborosolar-e, ap iri na kendam polosolar-e, ene nggwa luk, ap na arem-nen mbirij-o.

MARAKUS 4:39

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o.

MARAKUS 9:26

Yak tosoloma-ge, kugi na ngasilek luk, la iri na yugup tugup tak puruk, at arem-nen mborosoloma, la na-ge ap lugunik nggal nde kaiga-o. Karuk, it pidsa-nen yogolar-e: ”La yu-ge abu wat yamu-o” luk yiga-o.

LUKAS 11:22

Alat nde, at ombol pem amawi worak nap misik-nen nde imin wim mbatluk, urugwe nggwe rak purug-e, at o winde iri-nen indi ebem wat tak puruk woraso esan iri na wanuruk, at arengge pidsa tembesa wok unduwa-o.

LUKAS 4:23

Yogolikma-ge, Yesus-nen it yak ondosolar-e: ”Kit-nen-e nden karuk wene yu yak nurugub-o luk nindi yebet kasu-o: ’Ndoktet wa-e. Kat kondomok-net ki yi-o’ luk yak norogolat, ’Kaperenaum-nen kwiye worak mende kwarigen kobok kulige na-ge kat kelem ma yu me-nen na kwari-o’ luk yak norogolat yugub-o” luk yak indij-o.

LUKAS 4:39

Yak togolikma-ge, Yesus-nen kwe na nene yoso sa nggwarik, embem wuloksa wiridnak na ”Lak min-o” luk yosoloma, embem na lak lug-e, kwe na-ge ereya na-net men luk, it ndegel inpij-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 8:24

Alama-ge, at owosirak na Yesus eram mbirigarik, sil kagolat-nen yak togolar-e: ”Mul Nondoso Nap wa-e. Mul Nondoso Nap wa-e. Yi-n nok nunpuwa-o!” luk yogoloma-ge, Yesus na menluk, obube min yi nggweyerep nggwayerep yidnak min na met posoloma, obube na min yi nggweyerep nggwayerep iri na min lak yosolat, yi koma na ndong yij-o.

LUKAS 9:39

Kugi meya na at arem nggosolar-e, mimo ene nggwa luk, inggi nggo nggo owak nggo nggo, eragup kila kilasa keya boso-o. Nde, kugi iri-nen-e pempa andi bandi rak perenak worasolar-e, at arem-nen mboroso bug-o.

LUKAS 9:42

La na Yesus eram mborosoma-ge, kugi na-nen la iri na mbud tak puruk, inggi lele owak lele rak pij-o. Alama-ge, Yesus-nen-e: ”Kar-e mbiri-o” luk kugi na met puruk, la na ki rak puruk, waga eid eram pij-o.

NAM PARA WENE 12:12

Iri bem-e, aid arem min aid arem woragwi nap min wa-e. Kenalin kenalen ker-o! Alat nde, kit nggweyak min yi koma min wa-e. Sere na-ge at-nen kwarurak tarem-e marig-et nak iri-ge ar-e aru me, isilepma min kit kendam mbidnak me, nggweyak min yi koma min-e abuwa-o!” luk yij-o.