LUKAS 4:34 - Nanduk Ngget Tul Pidnak Wene

³⁴ ”E! Yesus Nasaret nap wa-e. Kar-e ngge rak nenpeyekluk lobok yigen-o? Nit nendeyekluk lobok yigen, lak? Kar-e an-e naru-o. Kar-e Mbal Pem Nagawan-nen wirik kibil lobok yidnak karik lenak nap-net yusu-o” luk yij-o.

LUKAS 4:34 Iomraidhean Croise

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

1 NAGAWAN NAGAWAN-NEN KWARIDNAK WENE 17:18

Wat yosoloma, kwe togwe iri na-nen Elia yak tosolar-e: ”Mbal Pem Nagawan ndegel oboso nap wa-e. Nab-o. Kar-e noluk-nen yu nggal kwat nigiben-o? Kat an neram lobok yigen yu-ge an meya yidnak ereba na Mbal Pem Nagawan-nen nimbiri parosolat, an-nen meya kwaroso iri na-nen ndowaga nambara yu wat yuwakluk lobok yigenma, lak?” luk yak tij-o.

NDAWI ENGGA 16:10

An wat makluk keya noboso buk me, kat-nen enabuwa kaso nab-e lak makluk keya onposo bug-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MARAKUS 1:24

”Yesus Nasaret nap wa-e. Kar-e ngge rak nunpugun-o? Nit lak tak nenpeyekluk lobok yigen-a? Kar-e an naru-o. Kar-e Mbal Pem Nagawan-nen kibil lobok yidnak karik lenak nap-net yusu-o” luk yij-o.

MARAKUS 1:34

Ndok worogola karug-e, kugi nin tak nan tak worak nap na ki rak onposolat, enarem lin yidnak nap na enarem-nen kugi kwarat wirik posolat, nde, kugi na-nen Yesus enaru me, ”Kir-e kenne yurak pug-o” luk yak indij-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 4:33

Worakmu-ge, tepan yugwi ma iri me-ge kugi arem lin yidnak nap mbi woragaij-o. Ap iri-ge ene ngguloksa yosolar-e:

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.

LUKAS 8:28

Ap iri-nen Yesus kasoluk, ene ngguloksa yuruk, Yesus eralu tud yosolat-nen yosolar-e: ”Kek tak Woraso Mbal Pem Nagawan Ambara Yesus wa-e. An-e ngge rak nubugun-o Nap wa-o. An andi bandi rak nuburak pug-o!” luk yij-o.

LUKAS 8:37

Iri lug-e o Nggerasa woragwi nap pidsa kwiye-nen pabok purug-e. Yesus yak togolar-e: ”Nit nenma yu me wolmomtak pug-o. Mbiri-o” luk yak togoloma, Yesus na e koma arem ngguruk, mbirij-o.

YIDNAK YIDNAK WENE 16:39

Karug-e, mberen nap na endam lobok luk, ”Nit nde meya yigerig-o” yak indiga-o. Yak unduruk, mbepme inpil waruk, ”Naptag-o. Nenma yu me wolmomtak pug-o. Mberer-o” yak indiga-o.

YIDNAK YIDNAK WENE 2:27

Kat-nen-e an nindi-ge wat yidnak nap woragwi sa iri me keya bugun pug-o. Kat-nen-e kat-nen idnak Lenak Pidnak Nab-e piri ma naru keya bugun pug-o.

YIDNAK YIDNAK WENE 3:14

Nde, kir-e Konak Nap, Lud tak nak Kwaroso Nap na-ge wesera keya bogolar-e, ’Ap woroso nap irit wesera wok nindi-o’ yigeb-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.

IBERANI 2:14

Nde, ”nilirag-o” luk inmin yid nap ereba na-ge, ki nap enaboro nde eneyabi nde worak-net yili me, Yesus-e it enaboro worak yid iri bem-e ki nap enpage worak irit woragaij-o. Iri yid iri-ge Yesus wat yosolat-nen-e wat yugwi elem tena woraso Sere amawi na urugwe nggwe rak peyekluk-nen wat yij-o.

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.