LUKAS 4:32 - Nanduk Ngget Tul Pidnak Wene

³² Nde, at-nen mul ondoso iri na-ge at ene-ge amawi worak ala karuk, wi langgu mbariga-o.

LUKAS 4:32 Iomraidhean Croise

MARAKUS 1:22

Nde, mul ondosola kuliga nab-e at-nen mul ondoso iri-ge imiri mbarak pidnak wene enaru nap-nen mul undugwi nggal-e lag-o. Are, amawi worak nap-nen mul undugwi nggal irit mul ondosola karuk, wi yiga-o.

LUKAS 2:47

Nde, kin wok obogola, onggo mondok lud tak nak yosola kuliga nap ereba na-nen-e wi yiga-o.

LUKAS 4:33

Worakmu-ge, tepan yugwi ma iri me-ge kugi arem lin yidnak nap mbi woragaij-o. Ap iri-ge ene ngguloksa yosolar-e:

LUKAS 4:36

Iri kwarosola karuk, it pidsa-nen wi yogolat-nen it nak it nak yak kerak mbogolar-e: ”At yu ene-ge nagawan-nen yugwi nggal amawi worak me, kugi-t nde, ’Mbiri-o’ luk yak tosola-ge, kwiye mbirid iri-ge ijar-o!” luk yiga-o.

YOANES 6:63

Konak Indi nak-nen unluk tak onposo-o. Nde, ki nap enmawi-ge ebe lak mende-nen yusu-o. Nde, Konak Indi-nen an-nen yak kundusu wene na bem-nen kunluk tak konposo-t nde,

YOANES 7:46

Yogolikma-ge, Mbal Pem Nagawan wi yik karok woragwi san winde-nen yogolar-e: ”Ap misiger-o luk tet at-nen yusu wene iri nggal-e yugwi bug-o” luk yiga-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.