LUKAS 4:23 - Nanduk Ngget Tul Pidnak Wene

²³ Yogolikma-ge, Yesus-nen it yak ondosolar-e: ”Kit-nen-e nden karuk wene yu yak nurugub-o luk nindi yebet kasu-o: ’Ndoktet wa-e. Kat kondomok-net ki yi-o’ luk yak norogolat, ’Kaperenaum-nen kwiye worak mende kwarigen kobok kulige na-ge kat kelem ma yu me-nen na kwari-o’ luk yak norogolat yugub-o” luk yak indij-o.

LUKAS 4:23 Iomraidhean Croise

MATIUS 13:54

at ambik ama elem ma iri me mbirij-o. Mberarik, it-nen tepan yugwi ma iri me yak ondolat worasola-ge, at-nen yak indidnak wene iri kuliga nab-e wi langgu mbarogolat-nen yogolar-e: ”At yu-ge indi nggat nggat elem min kwiye worak mende kwarurak amawi min-e ngge me-nen wanij-o?

MATIUS 4:13

Nde, Nasaret na keya buruk yarik, it ap enlem Sebulon min Naptali min woragwi sa Nggalilea koma eyak pem o siri Kaperenaum mberarik, iri me woragaij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MARAKUS 6:1

Yesus na o iri me keya buruk, at elem ma mborosola-ge, owosirag-e imin mbiriga-o.

LUKAS 2:39

Nde, Nagawan Indo-nen ”Irit kwarurag-o” luk yidnak wene pidsa kwat lug-e, Yusup min Maria min-e enma Nggalilea nggweyak pem Nasaret mbiriga-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

LUKAS 4:16

Iri lug-e, Yesus na mberarig-e, at sugwe rak ibidnak sa Nasaret wok lug-e, at-nen kwaroso kwarosolar-e, we woragwi tarem-e tepan yugwi ma nggwarik, Mbal Pem Nagawan engga wonareyekluk men yosoma-ge,

LUKAS 4:31

Iri lug-e, Yesus na-ge Nggalilea nggweyak pem o Kaperenaum mberarig-e, we woragwi tarem-nen ap mul ondosolat woragaij-o.

LUKAS 4:35

Yosoloma-ge, Yesus-nen kugi iri met posolat-nen yak tosolar-e: ”Ke-ne lak luk, ap yu arem-nen mbiri-o!” luk yak tosoloma-ge, kugi na-nen it pidsa ennggendumu-nen ap na mbud tak uburuk, at arem-nen mborosolar-e, andi bandi rak ibigit lak irit mbirij-o.

LUKAS 6:42

Kit kenlengen ma nggwidnak e ebis nggugurik na limbinigit lak-net nde, kir-e kennggam yak togolar-e: ’Nanggam wa-e. Kopkap kerengen ma nggwidnak iri-ge wabeyeg-o’ luk nggesa-nen yak tugub-o? Kenesiget siget yugwi nap wa-e. Nandug-et kit kenlengen ma e ebis nggugurik na wabogoluk-nen kit kennggam erengen ma nggwidnak kopkap iri-ge kwara kagolat-nen waburag-o” luk yij-o.

YOANES 4:28

Iri rak puruk, kwe na-ge at idmbe yumbuk karuk, o silmu mberarik, ap pidsa yak ondosolar-e:

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.