LUKAS 4:22 - Nanduk Ngget Tul Pidnak Wene

²² Yak ondosoloma-ge, it oboksa-nen-e at erembel wanogolat, at-nen yidnak wene-ge konak nak ala, wi langgu mbarogolat-nen yogolar-e: ”At yu-ge Yusup ambara-ge lag-a?” luk yiga-o.

LUKAS 4:22 Iomraidhean Croise

NGGOMO WENE 25:11

Enarem-nen yebet kagwi wene yurak tarem-net yili iri-ge perak-nen konidnak piring pem pidnak nggal emas amorok ndak wosa pidnak nggal-nen yusu-o.

YESAYA 50:4

An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

LUKAS 2:47

Nde, kin wok obogola, onggo mondok lud tak nak yosola kuliga nap ereba na-nen-e wi yiga-o.

LUKAS 2:48

Iri kwarosola karuk, at eid ija na wi lug-e, at ija-nen yak tosolar-e: ”Nambara wa-e. Kar-e noluk-nen yu nggal kwat ninpigen-o? Kat kombo nenmbereg-e kogore yogolat, pabok pil waring kaige-o” luk yak tij-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 4:21

Worakmu-ge, at-nen it yak ondosolar-e: ”Urul pidnak engga wene ya-ge kit-nen kologola ereya na-net ndak agaij-o” luk yak indij-o.

YOANES 1:45

Nde, Pilipus na-nen Natanael ogore yil mberarik, kasoluk-nen yak tosolar-e: ”At lobok yurak urul-e Musa-nen imiri mbarak pidnak wene engga bem mbarosolat, Mbal Pem Nagawan ene lomboksa yugwi nap-nen na mbarogolat yiga nap iri na-ge kaige-o. At iri-ge Yusup ambara Nasaret nap Yesus-nen yusu-o” luk yak tij-o.

YOANES 6:42

yogolar-e: ”Abuga! At yu-ge eid min ija min na nir-e nenaru Yusup ambara Yesus na-t nde, nggerak puruk-nen ’An-e aid arem-nen mbuwagi-o’ luk yusu kali?” luk yiga-o.

YOANES 7:46

Yogolikma-ge, Mbal Pem Nagawan wi yik karok woragwi san winde-nen yogolar-e: ”Ap misiger-o luk tet at-nen yusu wene iri nggal-e yugwi bug-o” luk yiga-o.

YIDNAK YIDNAK WENE 6:10

Alat nde, Konak Indi-nen indi pindong tak wene Sepanus emendam tak posola me, it-nen at imin wene onggo yurak meya agaidj-o.

TITUS 2:8

Kat kene eyak wurugwi nap-nen nit nonpok puwokluk yuwa-t nde, nit-nen yidnak yidnag-e konak nak ala, pesera mbuwakluk, kat-nen wene yosolar-e, kwalug-et ap-nen obok purak puk wene-t yurag-o.