LUKAS 4:18 - Nanduk Ngget Tul Pidnak Wene

¹⁸ ”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 4:18 Iomraidhean Croise

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAWI ENGGA 102:20

Iri kwarusu iri-ge o kubu me worasolat, enarem yip tili nap enne kolosolat, unduwokluk o kubu me inpidnak nap wisirik onposolat yurak pem-nen kwarusu-o.

NDAWI ENGGA 2:2

Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

NDAWI ENGGA 2:6

Iri yosolat-nen yak ondosolar-e: ”Nondobo Sion marak iri na bem-nen an-nen idnak nagawan irit mendak pigi-o” luk yak undusu-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

YESAYA 32:3

It unuwokma worali nap ereba na-nen ukwe peraidnak mende enlengen karug-e, kagit lak nggal ma bug-o. Eneyanggo-nen kulurug-e, kwara-t yebet iniyujwa-o.

YESAYA 35:5

Iri tarem-e ap enlengen ngguru-ge enlengen kona yik kagolat, ap eneyanggo lak wene kulugwi buk na enne kulugwi kwat yogolat ma-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 45:13

An nindi-nen pidnak iri na kwaruwakluk, an-net Kores arem yabu wanosola, at-nen kwarosolar-e, mot mot nak kwarugwi irit nggok tak puwa-o. At-nen mbururak tula-ge an-net yamuksa ndak ndak tak pimin-o. At-nen nuwi siri Yerusalem iri na-ge tuguruk worosolat, nilirak wim kugun pem wok unpuruk mbirigarik, yemndak unpuruk worali ereba na wisirik unpuwa-o. Nde, wisirik unpurak pem ’Onggo wok neret’ na yigit lak, we irit wisirik unpuwa-o” luk, Nagawan Indo amawi worak iri na-nen yij-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 50:4

An-nen yimin wene bem ap enpabok lak ereba na enmawi rak purak pem-e Nagawan Indo Kek tak iri na-nen an-nen wene yurak mirik nibij-o. Pempa kuplila-ge at-nen an mul nururak wene iri na kuluwaklug-e, neyanggo anggat worak tak bosolat woraso-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

MATIUS 12:20

Yorowa ta yidnak nginok tak iri na at-nen-e pok tak puwa bug-o. Tal nigi nigi kule nak nggok yosola, at-nen-e mondoksa nigirik puwa bug-o. Irit worasoma, lud tak nak yugwi iri na ombol nggwe rak puwa-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

LUKAS 4:17

Mbal Pem Nagawan ene lomboksa yoso nap Yesaya-nen mbaridnak engga iri wok tiga-o. Wok togolikma-ge, at-nen engga na wusutlug-e, engga wene mbaridnak mbi kagaij-o. Nde, engga wene na-nen yu mbarag-o:

LUKAS 6:20

Iri lug-e, Yesus na at owosirak yik eneyasolat-nen yosolar-e: ”Kinsilobulo lak nap wa-e. Mbal Pem Nagawan-nen tenagaidnak wi iri-ge kit winde me, kir-e kenalen ker-o!

LUKAS 7:22

Iri lug-e, Yesus-nen it yak ondosolar-e: ”Kenlengen-nen kaidnak nde keneyanggo-nen kulidnak nde Yoanes na yak til mberer-o. Enlengen ngguru nap enlengen kuwarak posolat; onowak wat yidnak nap na tula nugwi rak onposolat, mbijap nggal enpem mbidnak nab-e ambut tak onposolat, eneyanggo lak nap-nen wene kologolat; wat yidnak nap unluk tak onposolat; insilobulo lak nab-e aid wene mul ondosolat, yosola kaige-o luk yak ter-o.

YOANES 1:41

Andereas iri-ge ndag-et nak at owe Simon ogore yil mberarik, kasoluk-nen yak tosolar-e: ”Mesias iri na kaige-o” luk yak tij-o. (Nde, Mesias min Kerisut min iri-ge Yunani wene bem-e Inmiri Yoso Nagawan-o yogolar-o.)

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 4:26

Nggweyak ma nagawan nagawan min ese mendak inpidnak nap min ndok worogolar-e, Nagawan Indo min at-nen idnak Kerisut min inmin wim mbaruwokluk ndok wiriga-o’ luk yij-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.