LUKAS 4:16 - Nanduk Ngget Tul Pidnak Wene

¹⁶ Iri lug-e, Yesus na mberarig-e, at sugwe rak ibidnak sa Nasaret wok lug-e, at-nen kwaroso kwarosolar-e, we woragwi tarem-e tepan yugwi ma nggwarik, Mbal Pem Nagawan engga wonareyekluk men yosoma-ge,

LUKAS 4:16 Iomraidhean Croise

MATIUS 2:23

o unu Nasaret iri me woragaij-o. Iri me woragaid iri-ge Mbal Pem Nagawan ene lomboksa yugwi nap-nen yogolat, ”At iri-ge Nasaret nab-o luk yuwa-o” luk yiga na ndak tak posolat-nen woragaij-o.

LUKAS 2:39

Nde, Nagawan Indo-nen ”Irit kwarurag-o” luk yidnak wene pidsa kwat lug-e, Yusup min Maria min-e enma Nggalilea nggweyak pem Nasaret mbiriga-o.

LUKAS 2:42

Nde, Yesus ndesa mburuk, olengen duabelas worala tarem-e, it-nen kwarugwi mende kwarogolar-e, silo sagukmu mbiriga-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

LUKAS 4:15

Nde, ar-e it tepan yugwi ma ereba me-nen mul indil nosola-ge, ap pidsa-nen at erembel wanogolat woraiga-o.

LUKAS 4:17

Mbal Pem Nagawan ene lomboksa yoso nap Yesaya-nen mbaridnak engga iri wok tiga-o. Wok togolikma-ge, at-nen engga na wusutlug-e, engga wene mbaridnak mbi kagaij-o. Nde, engga wene na-nen yu mbarag-o:

LUKAS 4:21

Worakmu-ge, at-nen it yak ondosolar-e: ”Urul pidnak engga wene ya-ge kit-nen kologola ereya na-net ndak agaij-o” luk yak indij-o.

LUKAS 4:23

Yogolikma-ge, Yesus-nen it yak ondosolar-e: ”Kit-nen-e nden karuk wene yu yak nurugub-o luk nindi yebet kasu-o: ’Ndoktet wa-e. Kat kondomok-net ki yi-o’ luk yak norogolat, ’Kaperenaum-nen kwiye worak mende kwarigen kobok kulige na-ge kat kelem ma yu me-nen na kwari-o’ luk yak norogolat yugub-o” luk yak indij-o.

YOANES 18:20

Kin wok obosoloma-ge, Yesus-nen at yak tosolar-e: ”Ap pidsa wene yak ondosolar-e, an-e pempa ap pidsa inmbiri bem nam-et nak yoso-o. An-e ap mirik onposolar-e, Yawuri nap pidsa ndok wurugwi sa tepan yugwi ma-nen na, Mbal Pem Nagawan ama-nen na mirik onposolat woragi-o. Nde, an-e kurasa wene mbi yoso bug-o.

YIDNAK YIDNAK WENE 17:2

Nde, Paulus na-ge at nggoso ereba na nggal-et Yawuri nap-nen tepan yugwi wi iri na me we woragwi tarem kenan pem nggwerenak worasolar-e, Mbal Pem Nagawan engga bem mbaridnak wene-ge o ereba nap yak ondosolat woragaij-o.