LUKAS 4:15 - Nanduk Ngget Tul Pidnak Wene

¹⁵ Nde, ar-e it tepan yugwi ma ereba me-nen mul indil nosola-ge, ap pidsa-nen at erembel wanogolat woraiga-o.

LUKAS 4:15 Iomraidhean Croise

YESAYA 55:5

Ap enlem nin kit na kenaru bug-et nde, wene mbo onpogola-ge, ndag-et nak kit kendam lobok yuwa iri-ge Nagawan Indo Kenmbal Pem Nagawan, Isarael Embal Pem Nagawan Marak an-nen-e kit kunnu worak tak kinpimin me, kendam lobok yuwa-o” luk yij-o.

MATIUS 13:54

at ambik ama elem ma iri me mbirij-o. Mberarik, it-nen tepan yugwi ma iri me yak ondolat worasola-ge, at-nen yak indidnak wene iri kuliga nab-e wi langgu mbarogolat-nen yogolar-e: ”At yu-ge indi nggat nggat elem min kwiye worak mende kwarurak amawi min-e ngge me-nen wanij-o?

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MATIUS 9:8

Iri kwarosola karuk, ap kwarat na-nen kwiye luk, Mbal Pem Nagawan-nen amawi nggulok iri at wok tidnak ala karuk, Mbal Pem Nagawan erembel waniga-o.

MARAKUS 1:27

Mborosoloma-ge, ap ereba pidsa wi langgu mbatluk, kin wok kerak mbogolar-e: ”Yu-ge no mende-o? Wene yu-ge arig-er-o! At ene amawi bem kugi na ’Mbiri-o’ yak tosola-ge, at-nen yidnag-et kuluruk, kugi ereba na mbirij-o” luk yiga-o.

MARAKUS 1:39

Iri lug-e, Yesus na-ge Nggalilea wi oboksa waring kasolar-e, Yawuri nap-nen tepan yugwi ma ya nggwilik aid wene yak indil waring kasolat, kugi wirik pil nosolat woragaij-o.

MARAKUS 1:45

Iri yak tij-et nde, at na mborosolar-e, at kwat ibidnak wene wigaril mberamu alama-ge, Yesus na-ge nam-et o silmu nggwigit lag-o. Are, ap lak ma irit woragaij-o. Alat nde, ab-e nin me nin me-nen at eram lobok yogolat nak woraiga-o.

LUKAS 13:10

We woragwi tarem misik pem Yesus na tepan yugwi ma-nen ap mul ondosolat woragaij-o.

LUKAS 4:16

Iri lug-e, Yesus na mberarig-e, at sugwe rak ibidnak sa Nasaret wok lug-e, at-nen kwaroso kwarosolar-e, we woragwi tarem-e tepan yugwi ma nggwarik, Mbal Pem Nagawan engga wonareyekluk men yosoma-ge,