LUKAS 4:1 - Nanduk Ngget Tul Pidnak Wene

¹ Yesus na-ge Yorodan arem-nen mborosoma-ge, Konak Indi-ge at arem kobong yosolar-e, Konak Indi-nen wok uburuk, karu me ap lak ma ibil mbirij-o.

LUKAS 4:1 Iomraidhean Croise

1 NAGAWAN NAGAWAN-NEN KWARIDNAK WENE 18:12

Nde, erep-nen-e an yu me-nen mborosola-ge, Nagawan Indo Indi-nen kar-e waga an naru buk sa nin me nde kubuwa nde ma-o. Nde, erep-nen-e an-nen nde: ’Elia na-ge endeba worasu-o’ luk Akap yak timindik pem kogore yuwarik, lak ala karug-e, an nde nuruwa-o. An-e ndemeret marik pem-net Nagawan Indo erembel wanoso iri-ge karu nar-o.

1 NAGAWAN NAGAWAN-NEN KWARIDNAK WENE 19:4

Iri luk, ijok tu nembaga nggwe aptusa misik tarem-et mbirij-o. Mberarik, e angga mumak worak misik indipma-t ndong luk kore yosolar-e, wat yurak nak mot tak pij-o. Woralat-nen tepan yosolar-e: ”Nagawan Indo wa-e. An-e ndak siri mbarigi-o. Iri ala, an-e wat yeg-o. Nomborag-e wat yiga-t nde, an-e noluk nuruk wolmomtag-o? Mondok nindi wani-o!” yij-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

MATIUS 3:16

Nde, Yesus na yi ma obosoloma, yi ma-nen pilaksa men yosola, ereya na-net mbal ngak yosoloma, Yesus erengen lik kagaidnggal-e, Mbal Pem Nagawan Indi-ge towe nggwende nggal yebaluk at ebem mbuwasola kagaij-o.

LUKAS 2:27

Konak Indi-nen lit kurug-e, Simeon na-ge Mbal Pem Nagawan ama nggwij-o. Nde, ”Irit kwarurag-o” luk yidnak na ndak ndak tak pogolar-e, Yusup min Maria min-nen la marik Yesus na waruk Mbal Pem Nagawan ama nggogola-ge,

LUKAS 3:3

Yak tosoloma-ge, Yoanes na-ge yi Yorodan arem woragwi urusu mbut pidsa waring kasolat-nen yosolar-e: ”Mbal Pem Nagawan-nen kit meya yidnak amberam tak puwakluk, kir-e meya yidnak keya buruk kondok yogola-ge, yi ma kunpurag-o” luk yak indil nij-o.

LUKAS 3:38

Enos ambara, Set ambara, Aram ambara, Mbal Pem Nagawan ambara-o.

LUKAS 4:14

Iri lug-e, Konak Indi amawi at imin worasola-ge, Yesus na-ge tuguruk Nggalilea wok yij-o. Wok yosoloma, at obog-e o iri me pidsa wigak yij-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 1:32

Yurug-e, Yoanes na Yesus ebem wene konggorosolat-nen yosolar-e: ”Konak Indi-ge towe nggwende nggal aid arem-nen mbuwagarik, at ebem pak yosola, kagi-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 8:39

Nde, ir-e yi ma-nen wigarik pem-e Nagawan Indo Indi-nen Pilipus na lomboksa wirik posola-ge, iyiri wabidnak nab-e kagit lak yij-et nde, at na mborosolar-e, alen min-et mbirij-o.