LUKAS 3:22 - Nanduk Ngget Tul Pidnak Wene

²² Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

LUKAS 3:22 Iomraidhean Croise

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 3:13

Iri tarem-e Yesus na-ge Nggalilea-nen yi Yorodan arem Yoanes-nen yi ma ubuwakluk at eram lobok yij-o.

MATIUS 3:16

Nde, Yesus na yi ma obosoloma, yi ma-nen pilaksa men yosola, ereya na-net mbal ngak yosoloma, Yesus erengen lik kagaidnggal-e, Mbal Pem Nagawan Indi-ge towe nggwende nggal yebaluk at ebem mbuwasola kagaij-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

MARAKUS 1:9

Ereya tarem Yesus-e Nggalilea nggweyak pem o Nasaret-nen mbosoloma-ge, Yoanes-nen yi Yorodan arem yi ma bij-o.

MARAKUS 9:7

Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

LUKAS 4:21

Worakmu-ge, at-nen it yak ondosolar-e: ”Urul pidnak engga wene ya-ge kit-nen kologola ereya na-net ndak agaij-o” luk yak indij-o.

YOANES 1:32

Yurug-e, Yoanes na Yesus ebem wene konggorosolat-nen yosolar-e: ”Konak Indi-ge towe nggwende nggal aid arem-nen mbuwagarik, at ebem pak yosola, kagi-o.

YOANES 12:28

Neid wa-e! Kat kunu nak kek tak pi-o!” luk yij-o. Yosoloma-ge, mbal pem-nen wene pil mbuwasolar-e: ”An nunu kek tak pigi irir-o. Nde, tuguruk-nen na kek tag-et pimin-o” luk yij-o.

YOANES 5:37

Nde, wirik nibil lobok yidnak nap an Neid-nen na irit an nowene kenggel kundusu-o. Irit nde, kit-nen-e at ene na kulugwi buk, at erare na kagwi buk me,

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.