LUKAS 24:47 - Nanduk Ngget Tul Pidnak Wene

⁴⁷ Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

LUKAS 24:47 Iomraidhean Croise

NDAK WIRIDNAK WENE 12:3

Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 67:7

Mbal Pem Nagawan-nen-e imbiringgat tak ninpidnak pem yi wi ndi wi oboksa-nen at nak kek tak obogolat wolmag-o.

YESAYA 49:22

Nagawan Indo Mondok Kek tak iri na-nen at ilirak yak ondosolar-e: ”An-nen-e ap enlem oboksa enpem pumu, it-nen kinlirak tuguruk inpil lobok yogolar-e, kinlirak li ab-e onmbol pem pak nggerasa waruk lobok yogolat, nde, kinlirak li kwami-ge yatka inpil lobok yogolat kwaruwa-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 5:4

An-nen idnak anggut yabu yu-ge an-nen kwat oboso bug-e no nggal kwat uburak kali-o? An-nen-e engen undu konag-et yuwa-o luk nindi ebem worasoma-t nde, noluk-nen engen-e amak worak nde yij-o?

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

YESAYA 52:15

Alat nde, yawo-ge ap enlem kwarat-nen at ebem wi yuwa-o. It-nen kagwi buk mende irit kagolat, yebet kagolar-e, nagawan nagawan-e wi yogolar-e, wene yurak meya ma-o” luk yij-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

OSEA 2:23

An-nen-e nilirag-e it unuwi nggweyak pem unpumu, enalen pem irit wolma-o. Nde, it unnu yogolat ’Enabuwa kaso buk’ yugwi ereba na-ge an-nen enabuwa kaso-o luk mirik inpimin-o. Nde, it erep unnu yarogolat, ’At ilirag-e lak’ yugwi ereba na-ge ’Kir-e an nilirag-o’ yak indimin-o. Iri yosola, it-nen onggo yogolar-e: ’Kar-e nit Nenmbal Pem Nagawan-nen yusu-o’ luk yuwa-o” luk yij-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 9:13

Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.

LUKAS 13:34

Yerusalem wa-e. Yerusalem wa-e. Mbal Pem Nagawan ene lomboksa yugwi nab-e kat-net ondosolat, Mbal Pem Nagawan-nen keram wirik inpil lobok yidnak nap na kerep pem-nen ondosolat yoso-o! Towe wam-nen at amarig-e eraplabe-nen yomondoso nggal, iri nggal-et kwarat pem kat-nen idnak nap na ndok wat enpeyekluk yigi-t nde, ’Nimbir-o’ yigen-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.