LUKAS 24:45 - Nanduk Ngget Tul Pidnak Wene

⁴⁵ Yak unduruk, Mbal Pem Nagawan engga bem-nen mbaridnak iri na ebe-ge iri yosolat-nen yamu-o, luk yebet kujwaklug-e, Yesus-nen it inndi tu kuwarak posolat-nen

LUKAS 24:45 Iomraidhean Croise

MBIRIGA WENE 4:11

Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

LUKAS 24:32

Lak alama-ge, it na it nak yak kerak mbogolar-e: ”Tulabiyem lobok yogolar-e, nit ninmin wene ndorosolat, Mbal Pem Nagawan engga bem mbaridnak wene mul nondosolat kwarosola-ge, nit ninndi embem yosola kaige na-ge lag-a?” luk yiga-o.

YIDNAK YIDNAK WENE 16:14

Nde, kwami ereba na ennggenggerak nenne kulid kwe misik o siri Tiatira kwe unu-ge Liria irit woragaij-o. Kwe iri-ge kiloga sum onggo wanoso-o. At iri-ge Mbal Pem Nagawan erembel wanoso kwe-o. Nde, Nagawan Indo-nen kwe na indi tu kuwarak posola-ge, Paulus-nen yidnak wene-ge kwara kuluruk, wanij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.