LUKAS 24:44 - Nanduk Ngget Tul Pidnak Wene

⁴⁴ Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

LUKAS 24:44 Iomraidhean Croise

NDAK WIRIDNAK WENE 14:18

Nde, Melkisendek o Salem nagawan iri-ge eyabu misig-e Mbal Pem Nagawan Mondok Kek tak-nen yidnak tepan ombo irit worasolar-e, mburu min anggut engen amburu min Abaram amanggim waruk lobok lug-e,

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 118:22

O wurugwi nap-nen o worogolat lena keya bidnak kerep iri na nde tugup lak o mabin kwat yij-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:5

Nagawan Indo-nen yosolar-e: ”Lud tak nak kwaroso nagawan Ndaut-nen wigarak misig-e an-nen nagawan lenak purak tarem-e wog-et ma-o. Nde, nagawan iri-nen-e indi nggat nggat pem-et o tena woralat, o siri oboksa ndemeret lud tak mot mor-et kwarosolat wolma-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

WONARIDNAK WENE 21:8

Nagawan Indo-nen Musa yak tosolar-e: ”Waro misik posid tembaga bem ndak worak puruk, e sindik puruk, e iri bem perena keya bi-o. Iri yugunmu ta-nen nde waro-nen yilik posola erengen nde waro iri yik kasola-ge, war-e ma bug-o” luk yak tosoloma-ge,

MATIUS 1:22

Iri kwat yid iri-ge Nagawan Indo-nen at ene lomboksa yoso nap emndam tak pidnak wene yu ndak tak posolat-nen kwat yij-o:

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 26:54

Alat nde, iri nggal kwatlepnggal-e, Mbal Pem Nagawan engga mbarak pem-nen ’Iri nggal kwat ma-o’ yidnak wene iri na nggesa-nen ndak ndak tak peleb-o?” luk yak tij-o.

MATIUS 26:56

Alat nde, yu kwat yusu oboksa-ge Mbal Pem Nagawan ene lomboksa yugwi nap-nen Mbal Pem Nagawan engga mbarak pem mbariga wene na ndak ndak tak posolat-net kwat yusu-o” luk yij-o. Iri yosoloma-ge, owosirak oboksa-ge at keya buruk, kwiye mbiriga-o.

MARAKUS 9:31

Yesus-nen at owosirak na mul ondosolar-e: ”Ap Ambara-ge ap ininggem puwama, it-nen wuruwa-o. Wuruwama-ge, mberen naruk, kenan tak purak pem-e uruk ma-o” luk yak indij-o.

LUKAS 21:22

Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

LUKAS 22:37

An yak kendeyeg-o. Mbal Pem Nagawan engga bem-nen an nimin yosolar-e: ’At iri-ge meya yugwi nap nggal tak ibidnak nab-o’ yidnak wene iri-ge mondok ndak ndak irit kwat ma-o. Nde, an kwat nuburak wene mbarak iri na ndak ndag-et yawo kwat nibili-o” luk yij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

LUKAS 9:22

”Ap Ambara-ge andi bandi kwarat kasolat, ogore yidnak nap min tepan omborak nagawan min imiri mbarak pidnak wene enaru nap min-nen pelek pelek tak uburuk, wuruwa-t nde, mberen naruk, kenan tak purak tarem-e tuguruk uruk tak puwa-o” luk yij-o.

LUKAS 9:44

”An-nen yak kundusu wene yu-ge keneyanggo-nen kuluruk, kwara yebet ker-o. Ap Ambara na iminep wesera ki nap ininggem ubuwa-o” luk yij-o.

YOANES 3:14

”Nde, Musa-nen posid waro e bem perena karu me mendak pid iri na nggal-et Ap Ambara an-e mendak nubuwa iri-ge

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YOANES 5:46

Musa-nen mbarid iri-ge an nowene-t mbaridnak me, kit-nen ndemeret Musa ebem kinndi angin tubu yigepnggal-e, an nebem na kinndi angin-et tubu yeleb-o.

YIDNAK YIDNAK WENE 13:33

it inlirak nit nenmanggim-e wene na ndak ndak tak posolar-e, Yesus uruk tak pid irir-o. Iri nggal-e Ndawi Engga pasal mberen pem-nen yosolar-e: ’Kar-e an Nambara-nen yusu-o. Yawo-t ndet kibigi-o’ luk yij-o.

YIDNAK YIDNAK WENE 13:40

Iri bem-e, Mbal Pem Nagawan ene lomboksa yugwi nap-nen yidnak wene-ge kit kenpem mbuma naru, kwil kwalsa wolmer-o. Wene iri-nen yosolar-e:

YIDNAK YIDNAK WENE 2:27

Kat-nen-e an nindi-ge wat yidnak nap woragwi sa iri me keya bugun pug-o. Kat-nen-e kat-nen idnak Lenak Pidnak Nab-e piri ma naru keya bugun pug-o.

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.

YIDNAK YIDNAK WENE 7:37

Nde, Musa-net Isarael nap yak ondosolar-e: ’Mbal Pem Nagawan-nen an mendak nibid iri nggal-et kit konowe konowosi ennggendumu-nen na Mbal Pem Nagawan ene lomboksa yoso nap mbi kenmanggim mendak puwa-o’ luk yak indij-o.

IBERANI 10:1

Musa-nen imiri mbarak pidnak wene iri-ge abok-nen wok nunduwa konak mende iri nde ebe worak-nen yusu-ge lag-o. Are, we amorok ndak worak-net yusu-o. Nde, wam wosa eyabi-ge Mbal Pem Nagawan amanggim pogolar-e, olengen irit ndak wosa pempa pempa iri na nggal nak perenak woragwi-o. Iri ala-ge, Musa-nen imiri mbarak pidnak wene iri na kwarogolar-e, wam eyabi iri nggal kwasa pogolar-e, it Mbal Pem Nagawan eram lobok yidnak nap iminep mbarak unpurag-e meya-o.

IBERANI 3:5

Nde, Musa na-ge Mbal Pem Nagawan ilirak oboksa ndegel onposolar-e, mot mot nak ndegel onposolat nap irit woralar-e, Mbal Pem Nagawan-nen abok-nen nam tak purak wene na para yak ondosolat woragaij-o.

IBERANI 7:1

Nde, Melkisendek iri-ge o Salem nagawan yosolat, Mondok Kek tak Woraso Mbal Pem Nagawan-nen idnak tepan ombo irit woragaij-o. Woralar-e, Abaram na-ge ap nagawan nagawan inmin wim mbatluk, unduruk lobok yosola-ge, Melkisendek iri-nen at imin lid pid luk Abaram na imbiringgat tak pij-o.

IBERANI 9:8

Iri kwarogolat woraidnak mende iri bem Konak Indi-nen mirik nonposolar-e, sum-nen wiridnak wi mondog-et nggugwi sa iri na worala-ge, O Mondok Marak iri me nggurak tu-ge awo kuwak yigit lak worasu-o luk nam-et nak mirik nunpusu-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.