LUKAS 24:39 - Nanduk Ngget Tul Pidnak Wene

³⁹ An ninggi min nijok min piruruk, ndemeret an-net yusu-o luk kenaru mer-o. Kininggi-nen tena nuburuk-nen na ker-o. Ngena-ge an worasu yu nggal ino min owak min worag-e lag-o” luk yij-o.

LUKAS 24:39 Iomraidhean Croise

AID WENE YOSO NAP 12:7

Nit nenpe-ge tuguruk nggweyak kwat ma-o. Nit nunluk woragwi nindisep iri na-ge nindisep wok nindid Mbal Pem Nagawan eram-et tuguruk mburuwa-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

LUKAS 24:38

Alat nde, Yesus-nen it yak ondosolar-e: ”Kir-e noluk-nen kwiye yogolat, an nimin kinndi mberen yili-o?

LUKAS 24:40

Wene na yosolar-e, at inggi min ijok min mirik onposolat nuk kagaij-o.

YOANES 20:20

Yurug-e, at inggi min araptap min na nuk eneyasola-ge, Nagawan Indo na karuk, Yesus owosirag-e enalin enalen yiga-o.

YOANES 20:25

Alama-ge, Yesus owosirak erep-nen at Tomas yak togolar-e: ”Nir-e Nagawan Indo na kaige-o!” luk yak togolikma-ge, Tomas na-nen it yak ondosolar-e: ”An-e inggi luruk wiridnak aroro na karuk, luruk wiridnak sa an ninggi mon kagit lak, araptap nggwe na an ninggi mon kagit lak-nen-e ndemerer-o luk peramin pug-o” luk yij-o.

YOANES 20:27

Yurug-e, Yesus-nen Tomas na yak tosolar-e: ”Kat kinggi an ninggi mok aroro yu bem posolat, naraptap arem kinggi mon kasolat yi-o. Kindi mberen yusu keya buruk, ndemeret kagi luk yebet ki-o!” luk yak tij-o.

YIDNAK YIDNAK WENE 1:3

At yane wutlug-e, ar-e ndemeret uruk worasu-o luk yenggerak puwaklug-e, it inmbiri bem at na at ondomok nuk eneyasolar-e, empat pulu tarem woralar-e, Mbal Pem Nagawan-nen tenagaidnak wi wene mirik onposolat woragaij-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

IBERANI 12:9

Nde, nit nineidtak-nen-e ninndi wanuwakluk nondogola-ge, nit-nen-e it unnu kek tak pugwi-o. Nde, Nineid Mbal Pem Nagawan-nen ninndi wanuwakluk nondosola, nunluk wolmakluk nundusu-o luk mondok at-nen yidnak yidnak terak menna irit kwaruwog-o.

1 YOANES 1:1

Engga yu arem-e unlug-et woragwi elem wok ondoso Wene iri owene mbatli-o. Nde, Wene iri-ge tel kwiridnak kuri-net woraso-o. Wene iri na nir-e ene kologolat, nondomok nenlengen-nen kagolat, nenlengen nomosa yik karok woragolat, nininggi-nen tena obogolat yige-o.