LUKAS 24:30 - Nanduk Ngget Tul Pidnak Wene

³⁰ Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

LUKAS 24:30 Iomraidhean Croise

MATIUS 14:19

Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

MATIUS 26:26

It ereba na nunggukmu-ge, Yesus na mburu wanuruk, Mbal Pem Nagawan wa yak turuk, kala ligik puruk, at owosirak wok ondosolat-nen yosolar-e: ”Mburu yu-ge waga mer-o. Yu-ge an nebe-nen yusu-o” luk yij-o.

MARAKUS 14:22

Nde, it mburu nonggolar-e, Yesus-nen mburu wanosoluk, Mbal Pem Nagawan wa yak turuk, ndeksa ndeksa posoluk at owosirak wok ondosolat-nen yosolar-e: ”Yu-ge an nebe-nen yusu-o. Waga mer-o” luk yij-o.

MARAKUS 6:41

Iri rak unpurug-e, at-nen oroti mburu lima na min keyane mberen na min wanuruk yarig-e, erengen mbal lik karuk, Mbal Pem Nagawan ”Wa-o” yak turuk, oroti mburu ndeksa ligik puruk, at owosirak-nen tembet unduwakluk ininggem pij-o. Iri nggal keyane mberen na irit tembesa it pidsa wok indij-o.

MARAKUS 8:6

Yogolikma-ge, Yesus-nen ap kwarat na ene amawi min-et yak ondosolar-e: ”Nggweyak pem kore yil mberer-o” yak unduruk yarig-e, oroti mburu tuju na wanuruk, ”Mbal Pem Nagawan, wa-o” yak turuk, ndeksa ligik puruk, owosirak-nen ap kwarat yu na tembet unduwakluk, wok indij-o. Wok ondosoloma-ge, it-nen ap kwarat na tembet indiga-o.

LUKAS 22:19

Iri luk, at-nen mburu wanuruk, Mbal Pem Nagawan wa yak turuk, ndeksa ndeksa puruk, it tembesa wok ondosolat-nen yosolar-e: ”Yu-ge an nebe [kit kenmanggim pidnak-nen yusu-o. Kinndi an nebem mbung mbung tak woragolar-e, yu nggal-et kwarogolat wolmer-o” luk yij-o.

LUKAS 24:29

it enmberek-nen at puk tak pogolat-nen yogolar-e: ”O ki yekluk, ndamuk yusu me, nit totno wolmog-o” yogolikma-ge, Yesus na-ge it inmin nene yekluk, it enma nggwij-o.

LUKAS 24:35

Yogolikma-ge, mberen nap na-ge tula mborogolat-nen kwaridnak wene yak ondogolat, Nagawan Indo-nen oroti ndeksa mak ondosola, yenggerak kaiga wene yak ondogolat yiga-o.

LUKAS 9:16

Iri lug-e, Yesus na-nen oroti mburu lima na min keyane mberen na min wanurug-e, mbal lik karuk, Mbal Pem Nagawan wa yak turuk, mbara mbara ligik puruk, ap na tembesa wok unduwakluk, at owosirak na wok indij-o.

YOANES 6:11

Kore yogolikma-ge, Yesus na-nen mburu na wanuruk, Mbal Pem Nagawan wa yak turuk, ap iri me koreyak ereba na tembet indij-o. Nde, keyane na iri nggal kwasa-t tembet endamu, it pidsa inmbitsa ningga-o.

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

YIDNAK YIDNAK WENE 2:46

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat,

YIDNAK YIDNAK WENE 27:35

Iri yak undurug-e, oroti mburu wanuruk, it pidsa inmbiri bem-et Mbal Pem Nagawan wa yak turuk, ndeksa ninggij-o.