LUKAS 24:26 - Nanduk Ngget Tul Pidnak Wene

²⁶ Abok lobok yuwa Kerisut-nen iri nggal nandug-e andi bandi karuk-net kek tak ubuwa bug-a?” luk yij-o.

LUKAS 24:26 Iomraidhean Croise

NDAK WIRIDNAK WENE 22:6

Yak unduruk yarik, Mbal Pem Nagawan amanggim wosa kan purak kan iri na-ge Isak endak pem puruk, nde, ar-e kanduk min kabo min wanuruk, it enmberek mborogolar-e,

NDANIEL 9:26

Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

LUKAS 24:7

’Ap Ambara an-e mondok meya yugwi nap ininggem wesera nubuwama, e lang pang tak pem panggarak nubuwama, mberen nene luk, kenan tak purak pem-e nuruk yimin-o’ luk yak kindid na yebet ker-o” luk yak indiga-o.

YOANES 2:22

Nde, at na wat luk, uruk yosoloma karuk, at owosirak-nen-e ”Ondolma worosolar-e, mberen-et nak nene yimin-o” luk yid na-ge yebet kaiga-o. Yebet karuk, Mbal Pem Nagawan engga bem-nen mbaridnak na min Yesus-nen yidnak wene min ebem inndi angin tubu yiga-o.

YOANES 20:9

(Nde, Mbal Pem Nagawan engga bem-nen yosolar-e: ”Wat yidnak nap ennggendumu-nen mondok urug-et ma-o” yidnak na-ge iri tarem-e it-nen awo yenggerak pigit lag-et woraiga-o.)

YIDNAK YIDNAK WENE 17:3

Wene na nam para mirik onposolar-e, Mesias na-ge mondok andi bandi karuk, wat yidnak nap ennggendumu-nen men momtak wene na mirik onposolat woragaij-o. Iri luk, at-nen yosolar-e: ”An-nen yak kundusu nap Yesus yu-ge Mesias-net yusu-o” luk yij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.