LUKAS 23:5 - Nanduk Ngget Tul Pidnak Wene

⁵ it enne amawi kwarat lagolar-e: ”At-nen mul ondoso wene bem-net ap inndi lesa wanosolar-e, Nggalilea-nen tel korarik, Yurea wi oboksa waring karuk, yawo-ge yu me-t wok yij-o” luk yiga-o.

LUKAS 23:5 Iomraidhean Croise

NDAWI ENGGA 22:16

Meya kwarugwi nden eneyagwi nap-nen lop lop nitli-o. It iri-ge yengge kwarat nggal an kut norogolar-e, ninggi min nuwok min kundugu nibili-o.

NDAWI ENGGA 69:4

Erem lakma insili rak nibili nab-e enpe-ge an nanggulsu nggal-e lag-o. Terak minik kwarat-net yili-o. Ap enmawi worak an lak tak nuburak pem ennesiget wene nebem pili-o. Yariya wanigit lag-et nde, enne amawi bem watsa ”Uwi yagi-o” yak norogola, narengge poso-o.

MATIUS 11:1

Yesus na-ge at owosirak duabelas iri na wene abu mul ondosuluk yarig-e, o iri me keya buruk mborosolar-e, o siri korok korok ereba na aid wene yosolat, wene mirik onposolat kwaril waring kagaij-o.

MATIUS 2:1

Nagawan Erores worasola tarem-e Yurea nggweyak pem-o Mbetleyem iri me-nen Yesus ndet yij-o. Nderak worala-ge, mo luwaso sa-nen wonaru mbenarugwi nab-e Yerusalem wok yogolat-nen

MATIUS 27:24

Iri yogola karuk, Pilatus-nen yik kasolar-e, wene yurag-e meya ala karuk, nde it nari wari mburak ala karuk, at-nen-e yi waga ap kwarat ereba na inmbiri bem at inggi yi marosolat-nen yosolar-e: ”Ap yu na eyabi-ge an nebem-e lag-o. Kit kenpem-o” luk yak indij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MARAKUS 1:14

Yoanes na o kubu me pikma worala-ge, Yesus na-ge o Nggalilea wi Mbal Pem Nagawan-nen yidnak aid wene yak indil indil mborosolat-nen

LUKAS 11:53

Nde, Yesus na o iri me keya buruk mborosola-ge, imiri mbarak pidnak wene mul undugwi nap min Parisi nap min-nen at ebem mbud yogolar-e, at are puwokluk indi lorogolar-e, yi wene ndi wene kwarat kin wok eberenak woraiga-o.

LUKAS 23:23

it-nen mondok enne ngguloksa yogolar-e: ”Yesus iri-ge mondok e bem panggarak purag-o!” luk yik tenak woragola-ge, it-nen yiga na-t kwat yij-o.

LUKAS 23:6

Yogolikma, Pilatus na wene iri kuluruk-nen it kin wok onposolar-e: ”Ap yu-ge ndemeret Nggalilea nap, lak?” luk yij-o.

YOANES 1:43

Nene luk kub-e Yesus na-ge Nggalilea mbururak peragaij-o. Iri perasoluk, Pilipus na karuk-nen at yak tosolar-e: ”An nimin mburuwog-o” luk yak tij-o.

YOANES 19:15

Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge, Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge, tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 7:41

Nde, it erep-nen yogolar-e: ”At yu-ge Mesias-net yusu-o” luk yogolat nde, it erep-nen-e: ”Lag-o. Mesias iri-ge o Nggalilea nggal-nen lobok yurak meya-o.

YOANES 7:52

Yak ondosoloma-ge, it-nen at yak togolar-e: ”Nde, kar-e Nggalilea nap-nen yusu-a? Kar-e Mbal Pem Nagawan engga kwara mbenari-o. Mbenarosoma-ge, Mbal Pem Nagawan ene lomboksa yoso nap mbi Nggalilea-nen lobok yuwa-o yidnak mbi kagun pug-o” luk yak tiga-o.

YIDNAK YIDNAK WENE 10:37

Iri yidnak wene iri-ge Yoanes-nen ap yi ma unpurak wene yidnak ombol nggwe-ge Nggalilea-nen tel korosolar-e, Yurea wi pidsa wigak yid wene iri kuligep nar-o.

YIDNAK YIDNAK WENE 23:10

Yuruk, it nak perang yogola-ge, ”It-nen Paulus iri pok tak puwa-o” perasolug-e, san winde wari-nen san winde yak ondosolar-e: ”Mburugupndik, kit kenarong-nen it ennggendumu-nen mengga wanuruk, san winde nenma waruk mberer-o” luk yak indij-o.

YIDNAK YIDNAK WENE 5:33

Yogola kulurug-e, it na ebem lud insilepma lug-e, it wirik inpidnak nap yu na unduwokluk yiga-o.

YIDNAK YIDNAK WENE 7:54

Wene iri na yosola, it wene mbarugwi nap-nen kuluruk yigarig-e, insilepma kwarat luk, eneyak nggirit matluk mbiriga-o.

YIDNAK YIDNAK WENE 7:57

Yosoloma-ge, it enne ngasilek luk, eneyanggoru ngguluruk, it oboksa misik tarem-et at ebem mbud yogolar-e,