LUKAS 23:11 - Nanduk Ngget Tul Pidnak Wene

¹¹ Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

LUKAS 23:11 Iomraidhean Croise

NDAWI ENGGA 22:6

Alat nde, an-e ab-e lag-o. An-e mari-nen yusu-o. Ap kwarat-nen enlengenma nggal tak nobogolat, nggweyel nobogolat kwatli-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

MATIUS 14:1

Ereya tarem-e o Nggalilea tena woraso nagawan Erores-nen-e Yesus obok kulij-o.

MATIUS 14:3

Nde, Erores na-nen-e Yoanes na tenaguruk, kere kamasa o kubu me pil nggwij-o. Iri kwarid iri-ge at owot Pilipus na ogwe Erorias na wene lit lit-nen iri kwat ibij-o.

MATIUS 14:6

Alat nde, at Erores na ndesa mbidnak tarem inik inik, yogolar-e, ap kwarat iri na inmbriri bem Erorias ara na-ge ndawi ndorosolat kot kasolar-e, la kwe na-nen Erores na alen tak posoloma-ge,

MARAKUS 9:12

Kin wok obogolikma-ge, Yesus-nen it yak ondosolar-e: ”Elia-ge yi mende ndi mende lid lud tak purak pem ndemeret at nandug-et lobok yuwa-t nde, Mbal Pem Nagawan engga mbarak pem-nen-e: ’Ap Ambara iri-ge yane kwarat worosolat, ap-nen pesel obogolat ma-o’ luk yidnak iri-ge ngge kwarag-o?

LUKAS 23:10

Nde, tepan omborak nagawan min imiri mbarak pidnak wene enaru nap min at eralu mendak woragolat-nen enne amawi min-et enesiget wene Yesus ebem pogolat woraiga-o.

YOANES 19:5

Yak ondosoloma-ge, Yesus na-ge isile worak wurik min sum mimi min yirik irit wagaij-o. Wasola-ge, Pilatus-nen it yak ondosolar-e: ”Ap yigi na-ge yur-o! Yik ker-o!” luk yij-o.

YAKOBUS 2:2

Nde, kit tepan yogolat ndok worak worakmu, arengge worak nap mbi amanggo emas-nen konidnak min usum konak nak yirik ngguruk worasoma, imbirik arengge lak nap mbi usum na ndelep pelep yirik nggosola-ge,

YAKOBUS 2:3

kit-nen nde sum konak yiridnak nap iri na kwara kek tak obogolat-nen yak togolar-e: ”Nab-o. Kar-e konak ma ya-t kore yi-o” yak togolar-et nde, arengge lak nap iri yak togolar-e: ”Kat ereya mendak wiri-o”, are, ”An nijok eralu kune bem ya kore yi-o” yak togolat yugup iri-ge,