LUKAS 22:61 - Nanduk Ngget Tul Pidnak Wene

⁶¹ Yosoloma-ge, Nagawan Indo na nden karuk, Peterus na yik kasoloma-ge, Peterus na-ge Nagawan Indo-nen at yak tosolar-e: ”Yawo o nda yigit lak ma, towe wam kusi ene yigit lak ma-net kenan tarem an nimin-e: ’Ap iri-ge an-e naru bug-o’ yugun-o” luk yak tid iri na indi yebet kagaij-o.

LUKAS 22:61 Iomraidhean Croise

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

MATIUS 26:34

Yosoloma-ge, Yesus-nen at yak tosolar-e: ”An-nen yak kereyeg-o: Yawo kubu-ge towe wam kusi ene awo yigit lak ma-net kar-e kenan pem-et ’Yesus iri-ge an naru bug-o’ luk yugun-o” luk yak tij-o.

MATIUS 26:75

Yosoloma-ge, Yesus-nen Peterus yak tosolar-e: ”Towe wam kusi ene yigit lak ma-net kenan pem an nimin-o: ’Ap iri-ge an naru bug-o’ luk yugun-o” yak tid iri na Peterus-nen yebet karuk, mbepme mberarig-e, yip kondok lud yij-o.

MARAKUS 5:30

Tena bosola ereya na-net Yesus na-ge at ebem-nen amawi nggigisa mborosola karug-e, nden karuk, ap kwarat iri na ennggendumu yik kasolat-nen kin wok onposolar-e: ”Ta-nen an nusum erep tena bij-o?” luk yij-o.

LUKAS 10:41

Yosoloma-ge, Nagawan Indo-nen kwe na yak tosolar-e: ”Marata wa-e. Marata wa-e. Kar-e yabu kwarat iri-nen ndowaga kar-e kindi kabak yosolat, kumud kasu-t nde,

LUKAS 22:34

Yosoloma-ge, Yesus-nen yosolar-e: ”Peterus wa-e. An yak kereyeg-o. Yawo o nda yigit lak ma towe wam ene yigit lak ma-net kar-e kenan tarem an nimin-e: ’Ap iri-ge an naru bug-o’ luk yugun-o” luk yij-o.

LUKAS 22:60

Peterus-nen yosolar-e: ”La yu-ge wa-e. Wene kat-nen yusu yu-ge an-e yebet kasu bug-o!” luk yosola ereya na-net towe wam kusi ene yij-o.

LUKAS 22:62

Wene na yebet karuk, Peterus na mbepme mberarig-e, yip kondok lud mbij-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

LUKAS 7:19

Nagawan Indo eram wirik enpamu, at kin wok obogolat-nen yogolar-e: ”Abok lobok yuwa-o yili nap na-ge kar-et, lak? Are, nin nap lobok yuwa-o luk yik karok wulmul, lak, ngge-o?” luk yak tuwakluk wene enpem pamu-ge.

YOANES 13:38

Yak tosoloma-ge, Yesus-nen at yak tosolar-e: ”An namanggim wat momtak ob-er-o yigen-a? An-e ndemeret yak kurusu-o. Towe wam kusi ene awo yigit lak worala-ge, kat kenan pem-et ’Yesus-e an-e naru bug-o’ yugun-o” luk yak tij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

EPESUS 2:11

Kir-e kenlem nin nap nderak nanduk woraigep na yebet yebet tak wolmer-o Yawuri nap-nen kit kinmin-e ”Iniye ambasap wabugwi buk nab-o” luk yugwi-o. Nde, it ondomok inmin-e ”Niniye ambasap wabugwi nab-o” luk yili-t nde, iri-ge ap ininggi-nen enaboro mbaridnak pem nak yili-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.