LUKAS 22:36 - Nanduk Ngget Tul Pidnak Wene

³⁶ Yogolikma-ge, Yesus-nen it yak ondosolar-e: ”Alat nde, yawo-ge ta-nen nde kot manik min sum min worak nab-e mondok waruk mbururag-o. Nde, ta-nen nde agabo lak nap-nen-e at yoroso sum na mondok onggo wanuruk, kabo onggo purag-o.

LUKAS 22:36 Iomraidhean Croise

MATIUS 10:10

Kot manik nde, kenpe sum mberen tak nde, kunuwok sum nde, wangun nde, waruk mbururak pug-o. Yabu wanoso nab-e at-nen ukwe peraidnag-e onggo-ge wanosor-o.

LUKAS 22:35

Iri luk, Yesus-nen it yak ondosolar-e: ”An-e nanduk wirik konposolar-e: ’Kot manik min sum min kunuwok sum min waruk mbururak pug-o’ luk yak kundukmu, waruk mbirigit lak yigepndig-e, kir-e ndak nigep, lak? Are, meya-a?” luk yak ondosoloma-ge, ”Lag-o. Mondok ndak nige-o” luk yiga-o.

LUKAS 22:37

An yak kendeyeg-o. Mbal Pem Nagawan engga bem-nen an nimin yosolar-e: ’At iri-ge meya yugwi nap nggal tak ibidnak nab-o’ yidnak wene iri-ge mondok ndak ndak irit kwat ma-o. Nde, an kwat nuburak wene mbarak iri na ndak ndag-et yawo kwat nibili-o” luk yij-o.

LUKAS 22:38

Yosoloma-ge, at owosirak-nen yogolar-e: ”Nagawan Indo wa-e. Yalawi mberen yu nde ker-o” luk yogoloma-ge, Yesus-nen it yak ondosolar-e: ”Mberen iri-ge ndag-o” luk yak indij-o.

YOANES 15:20

’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

1 TESALONIKA 3:4

Nde, nit nanduk kit kinmin woragolar-e, abuwok ma-net ”Lel mberel nunpuwa o” luk mondok yak kindige-o. Nde, yak kindige iri na nggal-et ndemeret kwat ninpili-ge kir-e kenaru yili-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.