LUKAS 22:30 - Nanduk Ngget Tul Pidnak Wene

³⁰ An-nen tenagaidnak wi-nen nunggwi mende min yi min totno nul-o. Nde, kir-e nagawan-nen kore yugwi ondoro duabelas na bem kore luk Isarael nap enlem duabelas na tena unpuruk woragub-o” luk yij-o.

LUKAS 22:30 Iomraidhean Croise

2 SEMUEL 19:28

Nde, an neid owe owot oboksa-ge kat-nen mondok pendega lak tak nunpurag-e ndag-et nde, an-e kat-nen ’An nimin nunggwi mende-ge norag-o’ yigenma, kat woraso sa iri me-nen naso me, an-nen tebesa yi mende ndi mende kebem nggi yurag-e kwiye-o” luk yij-o.

NDAWI ENGGA 49:14

It iri-ge lomba wam wat mag-o luk, lud tak pidnak nggal lomba wam nggal wat yogola, wat yugwi elem iri-nen it tena unpuruk worasu-o. It iri-ge mot mot kwarugwi nap-nen urugwe nggwe rak unpuwama, enpe-ge ap yapma unpugwi sa iri na me enmben to yuwa-o. Iri me-ge it-nen woragwi konak ma ereba na nggal-e lag-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

MATIUS 8:11

An-nen yak kendeyeg-o: Ap kwarat, mo luwaso sa-nen na, mo mboso sa-nen na, lobok yuwarik, Mbal Pem Nagawan-nen tenagaidnak wi iri me mburu nokluk, Abaram min Isak min Yakub min inmin kore yuwa-t nde,

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 14:15

Nunggwi mende nokluk at imin koreyak woraidnak ap misik-nen wene iri kuluruk, Yesus yak tosolar-e: ”Mbal Pem Nagawan-nen tenagaidnak wi-nen nunggwi mende nujwa nab-e enalen kujwag-o” luk yij-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

NAM PARA WENE 19:9

Iri luk, aid nap iri-nen an yak norosolar-e: ”Wene yu mbari-o: ’Lomba Wam Marik-nen kwe wanosola saguwa sa lobok yuwakluk yonggo unpuwa nab-e inmbiringgat-nen yili-o’ ”. Nde, aid nap iri-nen tuguruk yak norosolar-e: ”Wene yu-ge Mbal Pem Nagawan-nen yidnak ndemeret wene-net yusu-o” luk yij-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 4:4

Nde, nagawan koreyak woraso ondoro iri eralu inggi inggi-ge nagawan-nen koreyak woragwi ondoro dua pulu empat (24) iri na bem-e ap enne kulugwi yok nggok dua pulu empat (24) unsum-e loro yirik, enanggul pem-e emas-nen konidnak nagawan-nen yurugwi topi pago, koreyak eneyagi-o.