LUKAS 22:22 - Nanduk Ngget Tul Pidnak Wene

²² Ap Ambara an-e Mbal Pem Nagawan indi-n pidnak pem-et wat yimin-et nde, an niminep wusuruwa nap iri perak nde ebem mbuwa mende iri bem abuwa-o!” luk yij-o.

LUKAS 22:22 Iomraidhean Croise

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

MATIUS 26:24

Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MATIUS 27:5

Yogolikma-ge, Yuras na-ge kerep tol ereya na-ge Mbal Pem Nagawan ama iri me mbo bil ngguruk, mborosolar-e, at ondomok urusuwak ngonoksa tiyong yij-o.

MARAKUS 14:21

Ap Ambara wat ma iri-ge Mbal Pem Nagawan engga bem-nen urul pidnak na ndak ndag-et wat ma-t nde, Ap Ambara iminep wisirid nap iri perak nde abuwa-o! At iri-ge ndesa mbigit lak nggal-e konak lombog-o” luk yij-o.

LUKAS 22:23

Yosoloma-ge, it-nen yak kerak mbogolar-e: ”Iri kwat ubuwa nab-e nit nennggendumu-ge ta-nen kwarurak nde yij-o?” luk yak kerak mbiga-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YIDNAK YIDNAK WENE 10:42

At iri-ge unluk worali nap min wat yidnak nap min enpem wene mbaruwakluk Mbal Pem Nagawan-nen len ibij-o luk, aid wene-ge ap yak indil ner-o yabu iri-ge nenpem pamu-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.