LUKAS 22:18 - Nanduk Ngget Tul Pidnak Wene

¹⁸ An yak kendeyeg-o. Yawo kuri-nen anggut engen amburu yu ereb-e ninggit lak woramindik, Mbal Pem Nagawan-nen tenagaidnak wi wok yuwa tarem-net namin-o” luk yij-o.

LUKAS 22:18 Iomraidhean Croise

NDAWI ENGGA 104:15

Iri-nen inndi alen tak poso anggut amburu kwarak posolat, saitun amburu-nen entare mbenak poso kwarak posolat, nunggwi mende nonggola, ap enmawi rak poso kwarak posolat kwarigen-o.

YESAYA 55:1

Nagawan Indo-nen yosolar-e: Kit yi nere-nen kinndi eberek yusu nab-e lobok yugupndik, yi kenangga lud tak pidnak yu mer-o! Kit kontol lag-e lobok yugupndik, onggo pigit lag-et nggandum mbato yeba wanugupndik mer-o! Anggut amburu min sapi wam agamo amburu min-e kenmanggim lid lud tak worasu-o. Mondok onggo pigit lag-et waner-o!

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

SAKARIA 9:15

Nde, Nagawan Indo Mondok Kek tak iri na-nen at ilirag-e inmiri yosola, it unuwim nab-e urugwe nggwe rak unpuwa-o. Inndi nden kaso yi nuruk, urugwe nggwe yugwi nggal wim nggogolat enne sa nggwa mbuwa-o. Wam wosa kan pogolat eyabi wam kan pugwi sa nggilara mbusu iri nggal wim nap eneyabi-ge nggilara mbuwa-o.

SAKARIA 9:17

Nde, nagawan uwi nggweyag-e konak lombok-nen yusu-o! At onggweyak iri-ge konak lombog-e ijar-o! Nde, iri me-ge nggandum mbato min anggut min-e ndag-et nak wigak yosolat, iri-nen ndowaga ap sujwe min kweyap ndugum min na kwarat enmawi worak ma-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 26:29

An-nen yak kendeyeg-o: Yawo kuri-nen an-e anggut engen amburu-ge mondok ninggit lak woramindik, an Neid-nen tenagaidnak wi iri me-nen anggut engen amburu ngget mende iri kit kinmin totno nonggolat tarem-nen perak namin-o” luk yij-o.

MARAKUS 14:23

Iri lug-e, yimbe anggut engen amburu kenanggo wanosoluk, Mbal Pem Nagawan wa yak turuk, at owosirak wok ondosola-ge, it pidsa-nen ningga-o.

MARAKUS 14:25

An-e ndemeret yak kundusu-o. Anggut engen amburu yawo nili kuri-nen ninggit lak irit woramindik, Mbal Pem Nagawan-nen tenagaidnak wi iri me-nen anggut engen amburu ngget lambuksa nul-o” luk yij-o.

MARAKUS 15:23

Waruk mbutluk, anggut engen amburu min mut min lambuksa kenanggo iri na mak tiga-t nde, Yesus na keya bij-o.

MARAKUS 9:1

Yuruk, at-nen it yak ondosolar-e: ”Kenaru wolmer-o. Kit yu me worali nap ereb-e wat yigit lak ma-t Mbal Pem Nagawan-nen tenagaidnak wi-ge amawi bem-et lobok yosola, enlengen-nen kujwa-o” luk yak indij-o.

LUKAS 21:31

Nde, iri nggal-et, an-nen yak kindigi ereba kwat yosola-ge, Mbal Pem Nagawan-nen tenagaidnak wi-ge panggo yusu-o luk kenaru yurag-o.

LUKAS 22:16

Nde, an yak kendeyeg-o. An yawo nasu yu kuri-net ninggit lak irit woramindik, nunggwi mende nili yu ebe kwat ma tarem Mbal Pem Nagawan-nen tanagaidnak wi iri me-nen perak namin-o” luk yij-o.

LUKAS 9:27

An-e ndemeret yak kundusu-o. Yu me worali nap ereb-e Mbal Pem Nagawan-nen tenagaidnak wi enlengen-e kagit lak ma-nen-e wat ma bug-o” luk yij-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

WENE MBENARUGWI NAP-NEN KWARIDNAK WENE 9:13

Alat nde, anggut ari iri na-nen onggo yosolar-e: ’Kit kennggendumu nagawan kwat momtak iri bem nak an nengen kugwiwak min ap min inndi alen tak poso iri keya burak nimbir-o!’ luk yij-o.