LUKAS 21:7 - Nanduk Ngget Tul Pidnak Wene

⁷ Iri yosoloma-ge, at owosirak-nen at kin wok obogolar-e: ”Mul Nondoso Nap wa-e. Kat yigen iri-ge mepme tarem-nen kwat ma-o? Nde, iri kwarurak tarem ndak yosola-ge, nir-e no mende karuk-nen: ’E! Yawo-ge panggo yusu-o’ luk nenaru mul-o?” luk yiga-o.

LUKAS 21:7 Iomraidhean Croise

NDANIEL 12:6

Nde, at misik iri na-nen aid nap yi ulusu nggwe mendak iri na kin wok obosolar-e: ”Kwiye worak mende kwat yusu yeba-ge mepme tarem nggal-nen lak ma-o?” luk kin wok obosola kagi-o.

NDANIEL 12:8

At-nen yid wene-ge ndemeret kuligi-t nde, ebe-ge iri nggal yosolat-nen yusu-o luk, yenggerak pigit lag-o. Iri ala, an-nen kin wanosolar-e: ”Nab-o. Ereba oboksa-ge lag-et ma, lak?” luk kin wanigi-o.

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MARAKUS 13:14

Kit-nen yik kagolar-e, lak tak onposo mende meya na imiri worak at wolmomtak puk sa-t nde, men yosola kagub-o. (Engga yu kasu nab-e no yosolat-nen yij-o luk kwara yebet kudtag-o.) Iri tarem-e Yurea woragwi nab-e mondok kwiye ndobo bem mbururag-o.

LUKAS 21:32

Kenaru mer-o. Ap yawo worali yeba pidsa wat yigit lak ma-net an yak kindigi yeba pidsa kwat ma-o.

LUKAS 21:6

”Kir-e o yu kali yu-ge abog-e o yu worogolat kerep kona mendagil laidnak yu-ge iniksa wolma-ge lag-o. Mijara lak tak puwa-o” luk yij-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.