LUKAS 21:36 - Nanduk Ngget Tul Pidnak Wene

³⁶ Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

LUKAS 21:36 Iomraidhean Croise

NDAWI ENGGA 1:5

Nde, meya yugwi nab-e enpem wene mbaroso Mbal Pem Nagawan-nen enpem wene mbarosolat, at ilirak ennggendumu-nen lenak unpuwa-o.

MALEAKI 3:2

Alat nde, Nagawan Indo lobok yosolat, at ondomok-nen nam yuwa iri tarem-e ta-nen nggal mamak puruk wolma-o? At iri-ge kik lena labuk makluk posid tol woragoso nap-nen kan mabidnak kanduk nggal-nen yusu-o. Sum maroso kwe esabon nggal-nen yusu-o.

MATIUS 24:42

Iri bem-e kit Nagawan Indo lobok yuwa tarem-e kenaru buk me, kwara-t yik karok wolmer-o.

MATIUS 24:43

Wene yu nde kenaru wolmer-o: O winde iri-nen-e yariya wanurak nap lobok yurak jam aru woragaid nggal-e, at ama ngguwa naru, nene yigit lak, yik karok nak woraleb-o.

MATIUS 24:44

Iri bem-e, Ap Ambara na mimo kir-e peragit lak ma lobok yuwa me, kit-nen na irit mondok lid lud tak puruk wolmer-o.”

MATIUS 25:13

Iri bem-e iri tarem min jam min-e kenaru buk me, kwara-t yik karok wolmer-o.”

MATIUS 26:41

Inndi ngaroso mende-nen kinndi ngaruwa naru, kunluk woragolat, tepan yogolat wolmer-o. Kinndi-nen-e lud tag-et kwareyeg-o yili-t nde, kenpe-nen-e ndeyak yusu-o” luk yak tij-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

MARAKUS 13:33

At lobok yurak tarem-e kenaru buk me, kunlug-et woragolat, kwil kwalsa wolmer-o.

MARAKUS 13:37

’Yik karok wolmer-o’ luk yak kundusu yu-ge ap pidsa min-et yak undusu-o” luk yak indij-o.

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 20:35

wat yidnag-et nde tuguruk unluk tak purak ndak nap na-ge Mbal Pem Nagawan-nen o nin lena wok indidnak sa iri me woragolar-e, kwe wok kerak mburag-e lag-o.

LUKAS 21:35

An lobok yimin tarem iri-ge sapna ma mena al lebeksa worak poso nggal kwasa nggweyak ma nap pidsa enpem mbuma-o.

YIDNAK YIDNAK WENE 10:2

Ap iri na-ge Mbal Pem Nagawan erembal wanoso-o. At min at ama woragwi nap inmin-e Mbal Pem Nagawan aye worak woragwi-o. At isilobulo-ge we irit Yawuri nap tembesa wok ondoso-o. Mbal Pem Nagawan eram tepan pempa yoso-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

2 KORINTUS 4:14

Nagawan Indo Yesus uruk tak pid nap, Mbal Pem Nagawan-nen-e Yesus min nit totno nunluk tak posola-ge, nit min kit min at ondomok eram ninpil mburuwar-o luk nenaru nar-o.

KOLOSE 4:2

Tepan kundugu yogolar-e, kinndi na kwara kunluk woragolat-nen Mbal Pem Nagawan imin-e ”Wiwa-o” luk yak togolat wolmer-o.

1 TESALONIKA 5:17

Tepan kundugu yogolat nak wolmer-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 11:4

Mbal Pem Nagawan-nen yidnak wene yugwi nap mberen ereya-ge o nggweyak yu ndak wirid Nagawan Indo urugwe nggwe mendak worasu e saitun mberen min tal ondogwal mberen min-nen yili-o.

NAM PARA WENE 6:17

It insilepma mberak purak tarem nggulok na yawo wok yarik, it insilepma mberak pogola, ap misiger-o luk-nen it entare bem wolmomtag-e meya-o” luk yiga-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.

NAM PARA WENE 8:2

Iri rak puruk, yik kaginggal-e, Mbal Pem Nagawan eram mendak woragwi aid nap tuju iri eneyagi-o. Nde, it iri-ge posid poba tuju wok indij-o.