LUKAS 21:34 - Nanduk Ngget Tul Pidnak Wene

³⁴ Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

LUKAS 21:34 Iomraidhean Croise

NDAK WIRIDNAK WENE 19:32

Iri ala karuk, nir-e nineid yu indi nden kaso engen amburu mak turuk, li ndaguwok-nen imin nene yuwog-o” yij-o.

NDAK WIRIDNAK WENE 19:35

Yak turug-e, iri na nggal-et kubu-ge Lot na indi nden kaso anggut engen amburu mak turug-e, ara owot iri na-ge Lot imin nene luk mbirij-e Lot na-ge mondok abu indi lak yidnak me, kagir-e lag-o.

NDAK WIRIDNAK WENE 27:14

Yak tosoloma, Yakup na mberarik, kambing wam ereya na waruk ija eram lobok yij-o. Lobok yosoloma, kwe Iripka-nen-e wam ereya na-ge Isak-nen norak indi-n perasu ndak ndag-et konak nak sagij-o.

NGGOMO WENE 23:20

Kar-e inndi nden kaso yi nunggwi nap min uno kasa leraben nunggwi nap min-e yagiga kundurak pug-o.

AID WENE YOSO NAP 9:12

Towe are bidnak arem ngonok yosolat, keyane na keyane wanugwi sum arem yat yosolat kwaroso nggal-et, peragit lak ma nggweyakma nab-e lak tak unpurak mende enpem lobok yurag-e mepme-nen lobok yuwa iri-ge kabak woragwi-o.

YESAYA 28:7

Mbal Pem Nagawan ene lomboksa yugwi nap min tepan omborak min-e anggut engen amburu ndonggosa nonggolar-e, inndi lak lak yogolar-e, tula-ge ya landok nak nili-o. Nde, Mbal Pem Nagawan ene lomboksa yugwi nab-e Mbal Pem Nagawan-nen nabi nggal pem mirik inpidnak ereba na-ge kwara yebet kali bug-o. Nde, tepan omborag-e it-nen wene nggaruksa mbaruwa-o luk ap-nen wene mbenaruwakluk enpem pugwi-t nde, it-nen-e wene nggaruksa mbarurag-e meya-o.

OSEA 4:11

Nagawan Indo-nen yosolar-e: ”Nilirak wa-e. Anggut amburu pi mende-nen na irit, anggut amburu ngget-nen na irit, ereba-nen-e kinndi kona yebet kagwi kinndi-ge mondok mbereksa lak tak pusu-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MARAKUS 13:9

Alat nde, kir-e mondok kwara wolmer-o. Tenaga lit kunpuruk mburuwarik, wene mbarugwi nap ininggem konpogolat, Yawuri nap tepan yugwi ma-nen mbut kondogolat, an nebem ala, pemerinta nap min nagawan nagawan min ininggem kunpuwa-o. Nde, iri kunpuwa iri-ge an-nen yidnak wene it kenggera yak undurak tarem nanongga-nen yusu-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

LUKAS 10:41

Yosoloma-ge, Nagawan Indo-nen kwe na yak tosolar-e: ”Marata wa-e. Marata wa-e. Kar-e yabu kwarat iri-nen ndowaga kar-e kindi kabak yosolat, kumud kasu-t nde,

LUKAS 12:40

Iri bem-e, Ap Ambara an lobok yosolar-e, mimo kir-e peragit lak ma wok yimin me-ge, kir-e mondok lid lud tak puruk wolmer-o” luk yij-o.

LUKAS 17:3

Kir-e kwil kwalsa wolmer-o. Kat kowe kowot mbi meya yosola-ge, ’Iri nggal kwarurak pug-o’ luk yak turag-o. Nde, at na kondok yosola-ge, at meya yidnak kamberam tak purag-o.

LUKAS 21:35

An lobok yimin tarem iri-ge sapna ma mena al lebeksa worak poso nggal kwasa nggweyak ma nap pidsa enpem mbuma-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

LUKAS 8:14

Nde, uwi linggat ndumu mbid iri na nggal-e aid wene kulidnag-et nde, woragolar-e, it-nen wolmomtak pem unmud kagolat, it-nen enarengge kwarat windi woragolat, enalen pem wolmomtak peragolar-e, iri-nen ndowaga aid wene na perena keya bosoma-ge, engen pidnak na-ge ebe kwat yoso buk iri nggal-nen yusu-o.

1 KORINTUS 5:11

An yak kindigi na-ge, ap misik-nen-e: ”Kerisut ebem an-e kanggam-nen yusu-o” luk yosolar-et nde, mbabi kwarosolat, indi meya yosolat, kugi erembel wanosolat, ap onpok posolat, anggut engen amburu ndonggosa nasolat, enesiget yosolat, iri nggal kwaroso imin nde yigi-o. Iri nggal kwaroso imin-e nunggwi mende erep mondok norak pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

NGGALATIA 5:20

kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

NAM PARA WENE 3:3

Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.

1 SEMUEL 25:36

Yosoloma, Abigail na mbiridnggal-e oma-ge Nabal na-ge ap nagawan nagawan-nen nggok sakwi nggal-et oma nggok sagosoma kagaij-o. Iri na sagosolar-e mondok alin alen yosolat, indi nden kaso yi nuruk indi lak lak yosola karug-e, ogwe-nen-e at-nen kwarid wene ereba na-ge mariget ter-o luk mondok yak tigit lak irit nene yij-o.