LUKAS 21:25 - Nanduk Ngget Tul Pidnak Wene

²⁵ Yuruk, Yesus-nen yosolar-e: ”Iri tarem-e molengen min waneya min wonaru min-e arik nin nggal kwiye worak mende kwarosola kagub-o. Nde, nggweyak ma yu me-nen-e yi koma usune kwarat luk, yi yuk lenak mbosola-ge, yi ap ndi ab-e kwiye luk, inndi kabak ma-o.

LUKAS 21:25 Iomraidhean Croise

NDAWI ENGGA 46:3

Yi koma-ge ap nayekluk nggweyerep nggwayerep mbosolat, ndobo lel kasola, ndobo ereba na-ge lele yuwa-t nde, kwiye yul pug-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

MIKA 7:4

Nde, it ennggendumu it-nen mondok konak, mot mot nak kwarugwi nap ereba na min-et mondok egere isile worak, ebe lak mende ereba nggal-nen yusu-o. Nde, Mbal Pem Nagawan-nen at ilirak ”angin worak kenpem pimin-o” luk urul at ene lomboksa yugwi nap yak indid iri na ndak tak posolat, angin worak enpem mberak purak tarem abu wok yij-o. Nde, yawo-ge it ennggendumu nari wari mbili-o.

MATIUS 24:29

”Andi bandi rak unpuwa tarem iri na lak yosoluk ereya na-net molengen ndamuk yosolat, waneya na eyaya pil wagit lak yosolat, wonaru na mbal pem-nen mbuwasolat, teram amawi rak poso mende na nari wari mbosolat ma-o.

MATIUS 27:45

Nde, mo enggendumu-net o iri me obok ndamuk luk woralar-e, keyama jam tiga agaij-o.

MARAKUS 13:24

Nde, anggun panggun tarem na worarug-e, molengen ndamuk yosolat, waneya na eyaya lak yosolat,

MARAKUS 13:26

Iri tarem-e, Ap Ambara-ge kek tak amawi worak irit nggan nggan arem lobok yosola, kujwa-o.

MARAKUS 15:33

Nde, o iri me pidsa lengge silmu jam duabelas pem-nen ndamuk irit worasolat, jam tiga agaij-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

LUKAS 21:26

Teram amawi rak poso mende na nari wari yosolar-e, nggweyak ma yu me kwat ma mende iri na yik karug-e, kwiye-nen ap inndi lak luk wat yidnak nggal ma-o.

YIDNAK YIDNAK WENE 2:19

Nde, an-nen kwarosolar-e, wi yurak mende na teram nggwe mbal pem-nen kwarosolat, nggweyak ma ena nggwe-nen na yenggerak purak mende-ge eyabi min kanduk min kule min irit nam tak pimin-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.