LUKAS 21:22 - Nanduk Ngget Tul Pidnak Wene

²² Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

LUKAS 21:22 Iomraidhean Croise

YESAYA 61:2

At-nen an wirik nibil lobok yij-e, Nagawan Indo-nen inmiri yurak tarem-e abu wok yij-o luk yak unduwakluk, iri-nen inndi puru bera woragwi oboksa inndi yek tak posolat, it unuwim nap-nen kwat unpugwi ereba na kemnggo posolat,

YESAYA 63:4

An-nen kemnggo purak tarem-e nanduk-net yemnak pigi iri na-ge an nilirak wisirik unpurak tarem iri na ndak yosola-net kwarukmu-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MATIUS 1:22

Iri kwat yid iri-ge Nagawan Indo-nen at ene lomboksa yoso nap emndam tak pidnak wene yu ndak tak posolat-nen kwat yij-o:

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

TUGURUK YIDNAK WENE 32:34

Nde, Nagawan Indo-nen-e at ilirak unuwim nap-nen kwarugwi ereba na yebet kasolar-e, onggopurak tarem-net onggo angin worak enpem puwa-o.

TUGURUK YIDNAK WENE 32:43

Ap enlem oboksa wa-e. At ilirak indili nab-e oboksa undusu me, Nagawan Indo ilirak entembel waner-o. At uwim nap-nen kwat ibidnag-e onggo posolat, nde, at ilirak-nen meya yidnag-e amberam tak pusu-o” luk yij-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.