LUKAS 20:26 - Nanduk Ngget Tul Pidnak Wene

²⁶ Ap kwarat ereba na inmbiri bem at are purak wene mbi mberak pigit lak ala-ge, at-nen mberak pidnak wene bem wi luk, puk nak yiga-o.

LUKAS 20:26 Iomraidhean Croise

NDANIEL 6:4

Iri yamu, Ndaniel-nen kwaridnag-e ngguberenot min it yik eneyarok woragwi nap erep ereya na min-nen kwarugwi nggal-e lak, mondok konak irit kagaij-o. Iri ala karug-e, nagawan iri na-nen-e at-nen tenagidnak wi ereba na enanggul pem tena unpuruk wolmomtak irit Ndaniel mendak uburak yebet kagaij-o.

MATIUS 22:12

nagawan-nen ap iri na yak tosolar-e: ’Nanggam wa-e. Kar-e kwe wanogolat-nen yurugwi sum iri-ge yirigit lag-et nde, nggesa-nen ma yu me ngguwaigen-o?’ luk yak tosoloma, ap iri na ene lak nak yij-o.

MATIUS 22:22

Yak ondosoloma, wene iri kuluruk yigarig-e, wi yuruk, at keya buruk mbiriga-o.

MATIUS 22:34

Iri luk, Yesus-nen it Saruki nap ereba na wene onggo yurag-e kabak tak inpidnak wene na kuluruk yigarig-e, it Parisi nap-nen ndok wutluk,

MATIUS 8:10

Iri yosoloma, Yesus-nen wene iri kolosoluk, wi luk, at imbirik nili nap yu na yak ondosolar-e: ”An-nen yak kendeyeg-o: Isarael nap ennggendumu-nen-e indi angin tubu yidnak nap misik mbi yu nggal an-e kaso bug-o.

LUKAS 11:54

Nde, iri yosola iri-net at tenaguwokluk at-nen wene lugud tak nggwe wirik puwa-o luk kwara abut mbal tenak woraiga-o.

LUKAS 13:17

Iri yosola kulurug-e, Yesus imin wene eyak wiriga nap oboksa-ge innggiri kaiga-o. Nde, ap erep oboksa-ge Yesus-nen kwaridnak mende pidsa-ge wi yurak mende ala karuk, enalin enalen kaiga-o.

LUKAS 20:20

Iri ala-ge, at tenagurak tarem ndak makluk, enlengen waruk tak piga-o. Iri kwarogolar-e, Yesus-nen wene mbi mberak posola, iri na bem-nen at tenaga ap enpem wene mbaroso Gubernor na inggem puwokluk, imiri mbarak pidnak wene enaru nap min tepan omborak nagawan min-nen wirik onpogolar-e, enlengen enlengen yugwi nab-et nde, mot mot kwaroso nap nggal kwasa at kin wok ubuwakluk onggo wok unduruk wirik inpiga-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

TITUS 1:10

Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.