LUKAS 20:25 - Nanduk Ngget Tul Pidnak Wene

²⁵ Yogolikma-ge, Yesus-nen it yak ondosolar-e: ”Iri ala-ge, Nagawan Kaisat arengge ala-ge, ar-et wok ter-o. Nde, Mbal Pem Nagawan arengge ala-ge, Mbal Pem Nagawan-et wok ter-o” luk yak indij-o.

LUKAS 20:25 Iomraidhean Croise

NGGOMO WENE 24:21

Nambara wa-e. Kar-e Nagawan Indo indi aye worak woralat, nagawan nak kek tak posolat wolmomtag-o. It inmin eyak witli nap inmbirik mbururak pug-o.

MATIUS 17:27

Alat nde, it iri na mbud tak unpurak kerep nggal kwarul naru, kat yi ma mburugundik, keyane wanugwi sugulud mberak pi-o. Nde, nanduk-net ulok ma keyane na wanugundig-e, emende penggera pak kasoma-ge, kerep tol misik kagun-o. Tol iri na wanosoluk, nit nenmberek nenmanggim it na wok indil mbiri-o” luk yak tij-o.

MATIUS 22:21

Yosoloma-ge, it-nen yogolar-e: ”Kaisat-nen idnak-nen yusu-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, Kaisat arengge iri-ge Kaisar-et wok turag-o. Nde, Mbal Pem Nagawan arengge iri-ge Mbal Pem Nagawan-et wok turag-o” luk yak indij-o.

MARAKUS 12:17

Yogolikma-ge, Yesus-nen it yak ondosolar-e: ”Iri nde ala-ge, Kaisat arengge ala, Kaisat amanggim purag-o. Nde, Mbal Pem Nagawan arengge ala, Mbal Pem Nagawan amanggim purag-o” luk yosoloma kuluruk, wi langgu mbariga-o.

LUKAS 20:24

”Kerep tol mbi an kayek-nen nuk kil lobok yer-o. Tol yu bem-e ta erare min ta unu min mbarak kali-o?” luk yij-o. Yosoloma-ge, it-nen yogolar-e: ”Kaisar-o” luk yiga-o.

YIDNAK YIDNAK WENE 5:29

Yak ondosoloma-ge, Peterus min wirik inpidnak nap erep min-nen wene erep nggarogolar-e: ”Nit-nen-e mondok Mbal Pem Nagawan-nen yidnak yidnak nak kwarul-o. Nde, ki nap-nen yidnak yidnak kwarurag-e meya-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.