LUKAS 20:22 - Nanduk Ngget Tul Pidnak Wene

²² Nde, nit-nen idnak imiri mbarak pidnak wene bem-e nir-e Nagawan Kaisat amanggim tol purag-e op, lak meya-a? Yak nindi-o” luk yak tiga-o.

LUKAS 20:22 Iomraidhean Croise

ESERA 9:7

Nanduk nonmborak woraiga kuri-nen nit yawo-nen na kat kilirak nir-e kat kimin meya kwat tenak worali-o. Meya nak kwat tenak woragola-ge, nit min nit-nen idnak nagawan nagawan min nit-nen idnak tepan omborak min nit oboksa-ge enlem nin nap nagawan ereba na-nen-e urugwe nggwe rak nonpogolat, nondogolat, nenarengge yariya wanogolat, wim kugun pem kamat nunpuruk mborogolat, nam-et ap inmbiri bem nggweyel nonpogolat kwatli-o. Iri kwat nonpogolar-e, yawo na kwat ninpili yur-o.

NEMIA 9:37

Nggweyak yu-nen wirik poso mende oboksa-ge enlem nin nap nagawan nagawan o tena woragwi ereba na mondok wok indili iri-ge nit-nen kat kimin meya kwatli iri na onggo-t enmawi worak nagawan ereba-ge kat-nen kilirak tena unpuruk wolmakluk lenak inpigen-o. Nde, it-nen nit tena nunpuruk woragolar-e, nonowam min nit nenpe min kwat nonpogolar-e, we it inndi-n pidnak ereba nak kwat ninpili-o. Iri nggal kwat nonpogolat, nir-e mangonokma nggal woragolat, ninndi puru yogolat, yani yane worogolat worali-o!” luk yiga-o.

MATIUS 17:25

Yogolikma-ge, Peterus-nen wene erep nggarosolar-e: ”Eyo posor-o” yij-o. Yak ondosoluk, o ma nggosoma-ge. Yesus nanduk-nen at yak tosolar-e: ”Simon wa-e. Kat kindi-nen ngge perasu-o? Nggweyak ma nap nagawan nagawan-nen tarak enpem-nen tol mengga wanogolat, enanggul wonaridnak tol mengga wanogolat yili-a? It inlirak enpem, lak? Are, ap sal enpem, lak?” luk yak tij-o.

LUKAS 20:21

Nde, it enlengen enlengen yuwakluk onggo wok indidnak nap na-nen Yesus yak togolar-e: ”Mul Ondoso Nap wa-e. Kat-nen yoso wene min kat-nen mul nondoso wene min mot mot nak yoso-o luk nir-e nenaru-o. Nde, kar-e ap entare mbenaroso buk me, kat-nen-e ki nap-nen kwarurak Mbal Pem Nagawan indi-n peraidnak iri-ge kar-e mondok nam-et nak mul nondoso-o.

LUKAS 20:23

Yak togolikma-ge, Yesus na-ge it-nen at are pogolat-nen yili na yenggerak karug-e, at-nen it yak ondosolar-e:

LUKAS 23:2

Puruk, it-nen enesiget wene at ebem pogolar-e: ”Ap yu-ge nit nenlem nap inndi kabak tak posolat, ’Nagawan Kaisat amanggim tol purak pug-o’ luk yak ondosolat, ’Nagawan Kerisut iri-ge an-net yusu-o’ luk yosola kulige-o” luk yiga-o.

YIDNAK YIDNAK WENE 5:37

At imbirig-e, ap wonarogola tarem-nen Nggalilea nap Yuras na men yosola-ge, ap kwarat-nen at langgal luk mbiriga-t nde, at na worogoloma-ge, at langgal luk nugwi nap oboksa ndibi ndi yiga nar-o.

OROMA 13:7

Pemerinta onggo wok undurak iri-ge mondog-et wok undurag-o. O onggo wanurak nap iri-ge o onggo wok undurag-o. Terak mena pidnak iri-ge wanurak nap irit wok undurag-o. Nggok tak unpurak nap ala-ge, nggok tak unpurag-o. Nde, entembel wanurak nap ala-ge, entembel wanurag-o.