LUKAS 20:21 - Nanduk Ngget Tul Pidnak Wene

²¹ Nde, it enlengen enlengen yuwakluk onggo wok indidnak nap na-nen Yesus yak togolar-e: ”Mul Ondoso Nap wa-e. Kat-nen yoso wene min kat-nen mul nondoso wene min mot mot nak yoso-o luk nir-e nenaru-o. Nde, kar-e ap entare mbenaroso buk me, kat-nen-e ki nap-nen kwarurak Mbal Pem Nagawan indi-n peraidnak iri-ge kar-e mondok nam-et nak mul nondoso-o.

LUKAS 20:21 Iomraidhean Croise

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MARAKUS 12:14

Wirik onpogolikma-ge, it na Yesus eram mbirigarik, at yak togolar-e: ”Mul Ondoso Nap wa-e. Kar-e mot mot nak kwarosolat, ap enpage lombonoso buk iri-ge nir-e nenaru-o. Nde, kar-e ap entare na mbenaroso buk me, Mbal Pem Nagawan indi-nen nggweyak ma nap-nen kwaruwag-o luk perasu wene-ge kar-e mot mot nak mul nundusu-o. Kar-e iri yoso me, nit-nen wanugwi imiri mbarak pidnak wene bem-e nit-nen Kaisat amanggim tol purag-e meya lak? Nir-e mondok purag-a? Are, purak pug-a?” luk kin wok ibiga-o.

LUKAS 20:20

Iri ala-ge, at tenagurak tarem ndak makluk, enlengen waruk tak piga-o. Iri kwarogolar-e, Yesus-nen wene mbi mberak posola, iri na bem-nen at tenaga ap enpem wene mbaroso Gubernor na inggem puwokluk, imiri mbarak pidnak wene enaru nap min tepan omborak nagawan min-nen wirik onpogolar-e, enlengen enlengen yugwi nab-et nde, mot mot kwaroso nap nggal kwasa at kin wok ubuwakluk onggo wok unduruk wirik inpiga-o.

LUKAS 20:22

Nde, nit-nen idnak imiri mbarak pidnak wene bem-e nir-e Nagawan Kaisat amanggim tol purag-e op, lak meya-a? Yak nindi-o” luk yak tiga-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 2:6

Alat nde, ap sarok iri-ge (it unnu kek tak pidnag-e an-nen nggulok tak pimin pug-o. Mbal Pem Nagawan-nen-e ap entare kaidnak pem mbenat onposo pug-o) ap sarok iri na-nen-e enne amawi min yak niriga-t nde, nin wene mbi yak nirigit lag-o.