LUKAS 20:14 - Nanduk Ngget Tul Pidnak Wene

¹⁴ Alat nde, parugu worali nap-nen ambara na yik karuk, it-nen yak kerak mbogolar-e: ’Eid eyabu winde ma nab-e yur-o. Nde, yabu yu winde yuwok-nen at yu-ge wuruwog-o!’ luk yiga-o.

LUKAS 20:14 Iomraidhean Croise

NDAWI ENGGA 2:8

Nggi yi-o. Ap enlem oboksa an-nen kegera kinggem pimin-o. O yu oboksa an-nen kat karengge rak pimin-o.

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

MATIUS 16:7

Yak ondosoloma-ge, it-nen wene yak kerak mbogolar-e: ”Wene iri yid iri-ge nir-e oroti waruk lobok yigit lak ala-nen iri yij-o” luk yiga-o.

MATIUS 21:25

Yoanes na-ge ap yi marosolat woragaid iri-ge ta-nen yidnak pem-o? Mbal Pem Nagawan-nen yidnak pem, lak? Are, ki nap-nen yidnak pem-a?” luk kin wok inpij-o. Kin wok onposoloma, it na it-net wene mbal kerak mbogolar-e: ”Nit-nen nde: ’Mbal Pem Nagawan-nen yidnak pem-o’ luk yogola-ge, at-nen-e: ’irit nde, kir-e noluk-nen at ebem kinndi angin tubu yigit lak yigeb-o?’ luk yak nunduwa-o.

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

LUKAS 19:47

Pempa Yesus na Mbal Pem Nagawan ama-nen ap mul ondosolat woragaij-o. Worala-ge, it tepan omborak nagawan min imiri mbarak pidnak wene enaru nap min Yawuri nap ennggendumu-nen enne kulugwi nap min-e Yesus wururak tu kore yogolat woraiga-t nde,

LUKAS 20:13

Iri ala-ge, yabu winde-nen yosolar-e: ’E! Yawo-ge no kwarimin-o? Lag-o. An nambik nambara nindi kundik irit wirik pumu-ge, at iri perak nde kek tak ubuwa-o’ luk yij-o.

LUKAS 20:15

Yurug-e, ambara iri na-ge leget ombol nggwe lesa mbo uburuk, wiriga-o” luk yij-o. Iri yak unduruk, Yesus-nen yosolar-e: ”Iri ala-ge, yabu winde na lobok yosolar-e, parugu worali nap na-ge no kwat unpuwa kali-o?

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

LUKAS 20:5

Yosoloma-ge, it na yak kerak mbogolar-e: ”Nit-nen nde: ’Mbal Pem Nagawan-nen yidnak pem-net kwarij-o’ luk yulndig-e, at-nen-e: ’Iri ala-ge, kir-e noluk-nen Yoanes ebem kinndi angin tubu yigit lak yigeb-o?’ luk yuwa-o.

LUKAS 22:2

Nde, ap kwarat ereba na inndi aye-nen tepan omborak nagawan min imiri mbarak pidnak wene enaru nap min-nen-e Yesus wuruwokluk teberebe tu kore yogolat woraiga-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.