LUKAS 2:7 - Nanduk Ngget Tul Pidnak Wene

⁷ Iri lug-e, la ap manggu irit ndagurug-e, ap sal nene yugwi sa-ge yebet tak nak me, it enmberek nggurag-e meya ala-ge, la na-ge sum-nen perena keya buruk, sapi wam mburu naso ondoro e mbet konidnak ma iri na arem mbinggirik ibij-o.

LUKAS 2:7 Iomraidhean Croise

NDAK WIRIDNAK WENE 42:27

Mbirigarik, tu ndumu nene yurak sa wok yogolar-e, at misig-e kelerai wam nunggwi mende mak teyekluk karung iri na emnde wisiridnggal-e uang nde mbato emndam karuk-nen

NDAK WIRIDNAK WENE 43:21

tuguruk mborogolar-e, tu ndumu nene yurak sa wok yogolar-e, mbato yarak sum ereba na emnde wisirigenggal-e, nit-nen mbato onggo pige tol yeba na oboksa mbato emndam yarak kaige-o. Nde, ereba-ge ta-nen tuguruk yarak pij-o? Nir-e nenaru bug-o. Iri ala karuk, yawo tuguruk tol-e waruk lobok yige-o, nab-o. Iri nag-e lag-o. Nit nondomok tuguruk mbato erep onggo purak min-et waruk lobok yige-o” luk yiga-o.

NDAWI ENGGA 22:6

Alat nde, an-e ab-e lag-o. An-e mari-nen yusu-o. Ap kwarat-nen enlengenma nggal tak nobogolat, nggweyel nobogolat kwatli-o.

MBIRIGA WENE 4:24

Nde, Musa na Mesira mborosolat tundumu o sare misik me nene yosoma-ge, Nagawan Indo-ge Musa eram lobok yosolat, Musa na wereyekluk yij-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

MATIUS 1:25

imin nene yigit lag-et worasoma, li ap iri na ndagosola-ge, Yusup-nen-e at unu-ge Yesus-o luk yarij-o.

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

LUKAS 10:34

Karug-e, at eram mberarik, amburu min anggut engen amburu min-nen ud ereba na masa keya buruk, ud na nggitlik pij-o. Nggitlik purug-e, at owam kelerai wam ombolwak pem ap na purug-e, ap ngguru lobok luk, nene yugwi sa pil mbutluk, yongga worosolat woragaij-o.

LUKAS 2:6

Nde, Mbetleyem wok yigarik pem-e la ndagurak tarem, la erengen pa yij-o.

LUKAS 2:8

O iri me-ge lomba wam yik karok woragwi nap ereb-e karu me iri me onowam yik karok kubu iri me woraiga-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,